کراچی: وزیرتعلیم سندھ سعید غنی نے صوبے میں تمام اسکولز کھلنے پر والدین کو خصوصی ہدایت کرتے ہوئے کہا ہے کہ وہ بچوں کو خود اسکول چھوڑنے اور لینے جائیں تو بہتر ہوگا۔
تفصیلات کے مطابق وزیرتعلیم سندھ نے مختلف علاقوں میں تعلیمی اداروں کے دورے کیے، اس موقع پر انہوں نے اسکول میں مکمل ایس اوپیز اور دیگر تمام صورت حال پر اطمینان کا اظہار کیا، اور دیگر امور کا جائزہ بھی لیا۔
سعید غنی نے والدین کو اہم ہدایات دیں کہ والدین بچوں کو خود اسکول چھوڑنے اور لینے جائیں۔ والدین، اساتذہ اور ہم مل کر سب کچھ بہتر کرسکتے ہیں۔
خیال رہے کہ سندھ میں آج سے تمام اسکولز کھل چکے ہیں اور تعلیمی سرگرمیوں کا سلسلہ جاری ہے۔
سندھ میں اسکول کھولنے کے معاملے پر بے یقینی کی صورتحال برقرار
یاد رہے 22 ستمبر کو نیشنل کمانڈ اینڈ آپریشن سینٹر (این سی او سی) نے دوسرے مرحلے میں اسکولز کھولنے کی اجازت دیتے ہوئے کہا تھا کہ چھٹی سے آٹھویں جماعت تک کی کلاسزکا آغاز 23 ستمبر سے ہوگا۔
واضح رہے حکومت سندھ نے 21 ستمبر سے چھٹی سے آٹھویں کی کلاسز شروع کرنے کا فیصلہ مؤخر کردیا تھا ، بعد ازاں سندھ حکومت نے 28ستمبر سے دوسرے مرحلے میں تعلیمی ادارے کھولنے کا اعلان کیا، وزیرتعلیم سعید غنی کا کہنا تھا کہ سندھ کے اسکولز 28 ستمبر کو کلاس 6 سے 8 کھولنے کے پابند ہوں گے۔
The post اسکولز کھلنے پر وزیرتعلیم کی والدین کے لیے اہم ہدایات appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2Gk6XdZ
via IFTTT
No comments:
Post a Comment
please do not enter ant\y spam link in comment box