کثیر الملکی فوجی مشق کیوکاز کا انعقاد، وزیر دفاع نے مشاہدہ کیا

اسلام آباد: پاک فوج کے شعبہ تعلقات عامہ آئی ایس پی آر کا کہنا ہے کہ کثیر الملکی فوجی مشق کیوکاز روسی شہر آستر کان میں منعقد ہوئی۔ وزیر دفاع پرویز خٹک نے کیو کاز فوجی مشق کا مشاہدہ کیا۔

تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ وزیر دفاع پرویز خٹک نے کثیر الملکی کیو کاز فوجی مشق کا مشاہدہ کیا۔ کثیر الملکی فوجی مشق روسی شہر آستر کان میں منعقد ہوئی۔

آئی ایس پی آر کا کہنا ہے کہ چیف آف لاجسٹک اسٹاف لیفٹیننٹ جنرل اظہر صالح عباسی بھی وزیر دفاع کے ساتھ موجود تھے۔ وزیر دفاع نے پاکستانی اور چینی دستوں کے اہلکاروں سے ملاقات بھی کی۔

آئی ایس پی آر کے مطابق مشقوں میں مختلف ممالک کے فوجی دستوں نے بھی شرکت کی۔

خیال رہے کہ فوجی مشقیں کیو کاز 21 سے 26 ستمبر تک جاری رہیں گی۔

میجر جنرل بابر افتخار کا کہنا ہے کہ فوجی مشقوں کے شرکا باہمی تجربات اور صلاحیتوں کا مظاہرہ کریں گے جبکہ فوجی دستوں کے مختلف چیلنجز پر ردعمل کو جانچنے کا موقع بھی ملے گا۔

دوسری جانب بھارت کیو کاز فوجی مشقوں میں شرکت سے آخری وقت میں پیچھے ہٹ گیا تھا، بھارت چین سرحدوں پر تنازعہ، بھارت کے پیچھے ہٹنے کی وجہ قرار دیا جارہا ہے۔ دفاعی ماہرین نے بھارتی فیصلے کو بچکانہ اور تنگ نظری قرار دے دیا۔

The post کثیر الملکی فوجی مشق کیوکاز کا انعقاد، وزیر دفاع نے مشاہدہ کیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3j79rLj
via IFTTT