اسلام آباد: پاک بحریہ کے ترجمان کا کہنا ہے کہ وائس ایڈمرل محمد امجد خان نیازی پاک بحریہ کے نئے سربراہ مقرر کردیے گئے، تبدیلی کمانڈ کی تقریب 7 اکتوبر 2020 کو اسلام آباد میں ہوگی۔
تفصیلات کے مطابق ترجمان پاک بحریہ کا کہنا ہے کہ وائس ایڈمرل محمد امجد خان نیازی پاک بحریہ کے نئے سربراہ مقرر کردیے گئے ہیں، تبدیلی کمانڈ کی تقریب 7 اکتوبر 2020 کو اسلام آباد میں ہوگی جس میں محمد امجد خان نیازی کو ایڈمرل کے عہدے پر ترقی دی جائے گی۔
وائس ایڈمرل محمد امجد خان نیازی نے سنہ 1985 میں آپریشنز برانچ میں کمیشن حاصل کیا، امجد خان نیازی نے کمیشننگ کےموقع پر پی این اے سے اعزازی شمشیر حاصل کی۔
امجد خان نیازی متعدد کمانڈ اور اسٹاف عہدے پر کام کا وسیع تجربہ رکھتے ہیں، وہ کمانڈنٹ پاکستان نیوی وار کالج لاہور میں بھی فرائج انجام دے چکے ہیں جبکہ وہ کمانڈر پاکستان فلیٹ اور کمانڈر کراچی بھی رہ چکے ہیں۔
ترجمان پاک بحریہ کے مطابق محمد امجد خان نیازی چیف آف دی نیول اسٹاف کے پرنسپل سیکریٹری بھی رہ چکے ہیں، وہ ڈپٹی چیف آف نیول اسٹاف ٹریننگ اینڈ ایوالیوایشن کے عہدے پر بھی رہے جبکہ ڈی جی نیول انٹیلی جنس کے عہدے پر بھی رہے ہیں۔
محمد امجد خان نیازی اس وقت چیف آف اسٹاف آپریشنز کے فرائض سر انجام دے رہے ہیں، انہیں ہلال امتیاز ملٹری اور ستارہ بسالت سے بھی نوازا جا چکا ہے جبکہ انہیں فرانس کی جانب سے شیویلئے (نائٹ) میڈل سے بھی نوازا گیا۔
The post نیول چیف کی تقرری: تبدیلی کمانڈ کی تقریب 7 اکتوبر کو ہوگی appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2HM0edL
via IFTTT
No comments:
Post a Comment
please do not enter ant\y spam link in comment box