کورونا وائرس : سعودی حکومت کی شہریوں کو سخت ہدایات جاری

ریاض : سعودی حکومت نے مملکت میں رہنے والے تمام ملکی اور غیرملکیوں کو سختی سے متنبہ کیا ہے کہ کورونا سے بچاؤ کیلئے احتیاطی تدابیر پر سختی سے عمل کیا جائے بصورت دیگر سخت کارروائی عمل میں لائی جائے گی۔

تفصیلات کے مطابق کورونا وائرس کی متوقع دوسری لہر کے حوالے سے وزارت داخلہ نے انتباہ دیا ہے کہ مارکیٹوں اور دکانوں میں ایس او پیز پر عمل نہ کرنے والوں کے خلاف سخت تادیبی کارروائی کی جائے گی۔

ترجمان نے اپنے بیان میں آگاہ کیا ہے کہ خلاف ورزی ریکارڈ ہونے پر 10 ہزار ریال جرمانہ اور دکان کو 3 سے 6 ماہ کے لیے سیل بھی کیا جاسکتا ہے۔

سعودی ذرائع ابلاغ کے مطابق وزارت داخلہ کی جانب سے جاری ہدایات میں کہا گیا ہے کہ کورونا وائرس سے بچاؤ اور اس کے پھیلاؤ کوروکنے کے لیے وزارت صحت نے جو ایس اوپیز جاری کیے ہیں ان پر عمل کرنا ہر ایک کی ذمہ داری ہے۔

ترجمان وزارت داخلہ کا مزید کہنا ہے کہ اس ضمن میں مختلف شہروں میں تفتیشی کمیٹیاں مقرر کردی گئی ہیں جو اپنی ذمہ داریاں بخوبی ادا کررہی ہیں۔

The post کورونا وائرس : سعودی حکومت کی شہریوں کو سخت ہدایات جاری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2TCak3u
via IFTTT