جوبائیڈن کی تقریب حلف برداری کے روز ٹرمپ کیا کریں گے؟ رپورٹ آگئی

واشنگٹن: نومنتخب امریکی صدر جوبائیڈن کو قومی سلامتی کے معاملات پر روزانہ بریفنگ کا آغاز ہو گیا۔

امریکی میڈیا کے مطابق جوبائیڈن کو خفیہ اداروں نے بریفنگ دینا شروع کر دی ہے، خفیہ ادارے اقتدار کی منتقلی کے دوران نو منتخب صدر کو حالات سے آگاہ رکھتے ہیں۔

ادھر ریاست ایریزونا نے بھی جوبائیڈن کے حق میں فیصلہ کر دیا ہے، گورنر نے بھی تصدیق کر دی، ایریزونا کے ری پبلکن گورنر ڈگ ڈوسی نے بھی انتخابات کو شفاف قرار دے دیا۔

وسکونسن اور ایریزونا ریاستوں کی جانب سے بائیڈن کی جیت کی تصدیق ڈونلڈ ٹرمپ کے لیے ایک اور دھچکا ہے۔ انھوں نے 6 ریاستوں کو اپنے نتائج کی تصدیق سے روکنے کی کوشش کی تھی لیکن سب میں انھیں شکست کا سامنا کرنا پڑا ہے۔

جوبائیڈن کی تقریب حلف برداری کے روز ٹرمپ کیا کریں گے؟ رپورٹ آگئی

دوسری طرف امریکی صدر ٹرمپ بدستور 2020 کے امریکی صدارتی انتخابات کے نتائج سے لڑ رہے ہیں، وہ ان نتائج کو تسلیم کرنے کے لیے تیار نہیں ہیں جس میں انھیں زبردست شکست کا سامنا کرنا پڑا ہے۔

اس بار انھوں نے ایک ٹویٹ میں گورنر ایریزونا کو تنقید کا نشانہ بنایا، انھوں نے لکھا ایریزونا کے ریپبلکن گورنر ڈگ ڈوسی کو کیا ہوگیا ہے؟ ووٹر فراڈ کے مقدمات کی سماعت کے دوران الیکشن کی تصدیق کر دی گئی۔

ٹرمپ کا کہنا تھا کہ ڈیموکریٹ کو جتوانے کے لیے جلد بازی کیوں کی گئی، یہ ری پبلکنز ہمیشہ یاد رکھیں گے۔

The post جوبائیڈن کو خفیہ اداروں کی بریفنگ شروع appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3lpZ99t
via IFTTT