اوورسیز کیلیے امریکا، برطانیہ، سعودیہ اور یو اے ای میں اراضی ریکارڈ سینٹر قائم

 لاہور: امریکا، سعودی عرب، متحدہ عرب امارات اور برطانیہ میں قائم پاکستانی سفارتخانوں اور قونصل خانوں میں اراضی ریکارڈ سینٹر قائم کر دیے گئے۔

وزیر اعظم عمران خان اور وزیراعلیٰ پنجاب سردار عثمان بزدار کے ’’ای گورننس‘‘ وژن کے تحت پنجاب لینڈ ریکارڈز اتھارٹی(پی ایل آر اے) نے اوورسیز پاکستانیوں کی سہولت کیلیے پاکستانی سفارتخانوں اور قونصلیٹ میں اراضی ریکارڈ سینٹرز قائم کرنا شروع کردیے ہیں۔

ڈی جی پنجاب لینڈ ریکارڈز اتھارٹی معظم سپرا نے وزارت خارجہ کے تعاون سے ابتدائی طور پر چار ممالک امریکا، سعودی عرب، متحدہ عرب امارات اور برطانیہ میں قائم پاکستانی سفارتخانوں اور قونصل خانوں میں اراضی ریکارڈ سینٹر قائم کر دیے ہیں۔

The post اوورسیز کیلیے امریکا، برطانیہ، سعودیہ اور یو اے ای میں اراضی ریکارڈ سینٹر قائم appeared first on ایکسپریس اردو.

source https://www.express.pk/story/2111500/1