373 رنز کے تعاقب میں پاکستان کی 7 وکٹیں گرگئیں

ترنگا : پہلے ٹیسٹ میں قومی ٹیم فواد عالم کے آؤٹ ہوتے ہی پھر مشکلات کا شکار ہوگئی، 373 رنز ہدف کے تعاقب میں پاکستان کی سات وکٹ بھی گرگئی، یاسر شاہ بھی بغیر کوئی رن بنائے پویلین لوٹ گئے۔

تفصیلات کے مطابق ماؤنٹ مونگانوئی میں پاکستان اور نیوزی لینڈ کےدرمیان کھیلے جارہے پہلے ٹیسٹ میچ کے پانچویں روز پاکستان نے 373 رنز کے جواب میں 251 رنز بنالیے جبکہ اس کے چار کھلاڑی پویلین لوٹ چکے ہیں، قومی ٹیم کی دوسری اننگز میں بھی اوپنرز نے انتہائی ناقص کارکردگی کا مظاہرہ کیا، اوپنر شان مسعود اور عابد علی صفر پر پویلین لوٹے جبکہ حارث سہیل صرف 9 رنز پر ہمت ہار گئے۔

پانچویں روز کے کھیل میں کپتان محمد رضوان ذمہ دارانہ بیٹنگ کرتے ہوئے 60 رنز بناکر آؤٹ ہوگئے جبکہ فواد عالم 102 رنز بناکر پویلین لوٹ گئے۔

فواد عالم اور محمد رضوان نے ذمہ دارنہ بیٹنگ کرتے ہوئے  165 رنز کی شاندار پارٹنر شپ کی، اور ٹیم کے مورال کو بلند کیا۔

پاکستان کو پہلا ٹیسٹ جیتنے کے لئے مزید 122 رنز کی ضرورت ہے جبکہ اس کی ساتھ تین وکیٹں باقی ہیں۔

نیوزی لینڈ کی جانب سے دوسری اننگز میں ٹم ساؤتھی نے اور ٹرینٹ بولٹ نے دو، دو کھلاڑی کو آؤٹ کیا۔

اس سے قبل پاکستان اور نیوزی لینڈ کےدرمیان کھیلے جارہے پہلے ٹیسٹ میچ کے چوتھے روز نیوزی لینڈ نے اپنی دوسری اننگز 180 رنز 5 کھلاڑی آؤٹ پر ڈکلیئر کردی تھی، میچ کے چوتھے روز نیوزی لینڈ نے اپنی دوسری اننگز کا آغاز کیا اور اوپنرز کے درمیان 111 رنز کی شراکت قائم ہوئی تاہم اس کے بعد وکٹیں گرنے کا سلسلہ شروع ہوا اور نیوزی لینڈ نے 5 وکٹوں کے نقصان پر 180 رنز بنا کر اننگز ڈکلیئر کردی، پاکستان کی جانب سے نسیم شاہ نے 3 وکٹیں حاصل کیں۔

میزبان ٹیم کی جانب سے سب سے زیادہ 64 اسکور ٹام بلینڈل نے بنائے جبکہ ٹام لتھام 53 ، کین ولیمسن 21 ، ہنری نکولس 11 اور واٹلنگ 5اسکوربنانے میں کامیاب ہوئے۔

گذشتہ روز نیوزی لینڈ نے پہلی اننگز میں 431 رنز اسکور کیے تھے جس کی جواب میں پاکستانی ٹیم نے 239 رنز بناکر آؤٹ ہوئی تھی، پہلی اننگز میں بھی پاکستانی کی اوپننگ بیٹنگ لائن بری طرح ناکام رہی تاہم مڈل آرڈر نے مجموعی اسکور کو بہتر کیا اور پاکستان کا نیوزی لینڈ کے خلاف فالو آن بچایا تھا۔

پاکستان کی جانب سے فہیم اشرف نے کیرئیر کی بیسٹ 91 رنز کی اننگز کھیلی اور کیچ آؤٹ ہوگئے جبکہ کپتان محمد رضوان بھی 71 رنز بناکر نمایاں رہے۔

The post 373 رنز کے تعاقب میں پاکستان کی 7 وکٹیں گرگئیں appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2MjHX9W
via IFTTT