وزیراعظم کا اداکارہ نیلو بیگم اور رہنما پی ٹی آئی شاہد گوندل کے انتقال پر اظہار افسوس

اسلام آباد: وزیراعظم عمران خان نے اداکار شان کی والدہ نیلو بیگم اور پی ٹی آئی رہنما شاہد نسیم گوندل کے انتقال پر گہرے دکھ اور افسوس کا اظہار کیا ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم نے اداکار شان سے ان کی والدہ نیلوبیگم کے انتقال پر دکھ اور افسوس کا اظہار تعزیت کیا اور لواحقین سے صبر جمیل کی دعا کی، وزیراعظم نے اپنے ٹوئٹ میں کہا کہ میری تمام تر ہمدردیاں اور دعائیں شان شاہد کے ساتھ ہیں۔

My condolences and prayers go to @mshaanshahid on the passing of his mother.

— Imran Khan (@ImranKhanPTI) January 31, 2021

واضح رہے کہ پاکستانی فلموں کی معروف اداکارہ نیلو بیگم گذشتہ روز لاہور میں انتقال کرگئیں تھیں، وہ گزشتہ کافی عرصہ سے کینسر کے مرض میں مبتلا تھیں، اداکارہ نیلو بیگم اداکار شان کی والدہ تھیں، نیلو بیگم کے انتقال کی اطلاع ان کے صاحبزادے اور پاکستانی فلموں کے نامور اداکار شان شاہد نے سماجی رابطے کی ویب سائٹ ٹویٹر پیغام میں دی تھی۔

It is with the saddest of heart I share the departure of my mother as she has gone to her creator .may ALLAH bless her

— Shaan Shahid (@mshaanshahid) January 30, 2021

دوسری جانب وزیراعظم نے پی ٹی آئی رہنما شاہد نسیم گوندل کے انتقال پر ٹوئٹ کرتے ہوئے کہا کہ شاہد گوندل کی رحلت پر نہایت افسردہ ہوں، وہ ہمارے وفا شعار ترین کارکنان میں سے ایک تھا جو سیاسی مافیاز کیخلاف جدوجہد میں ہمارے شانہ بشانہ رہا، میری دعائیں اور ہمدردیاں انکے اہلِ خانہ کے ساتھ ہیں۔

Saddened to learn of Shahid Gondal's passing. He was one of our most loyal workers who stood with us during our struggle against the political mafias. My condolences & prayers go to his family.

— Imran Khan (@ImranKhanPTI) January 30, 2021

منڈی بہاؤالدین کی صوبائی اسمبلی سے پاکستان تحریک انصاف کے ٹکٹ ہولڈر شاہد نسیم گوندل گذشتہ روز کرونا وائرس کے باعث انتقال کرگئے تھے، پچھلے دو ماہ سے وہ ملٹری اسپتال راولپنڈی میں داخل تھے، شاہد نسیم گوندل کیپٹل ڈویلپمنٹ اتھارٹی اور اسلام آباد کے مشہور وکیل اور قانونی مشیر تھے۔

The post وزیراعظم کا اداکارہ نیلو بیگم اور رہنما پی ٹی آئی شاہد گوندل کے انتقال پر اظہار افسوس appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2YxXpCd
via IFTTT