کراچی: پاکستان سُپر لیگ میں آج دھمال ہوگا، ایونٹ کی دو روایتی حریف کراچی کنگز اور لاہور قلندرز میں زور کا جوڑ پڑے گا، سنسنی خیز مقابلہ شام سات بجے ہوگا۔
پاکستان کی سپرڈوپر لیگ کا سب سے بڑا مقابلہ آج ہوگا، پی ایس ایل سیزن فائیو کے فائنلسٹ چیمپئن کراچی کنگز اوررنر اپ لاہور قلندرز ایک بار پھر آمنے سامنے ہونگے۔
کراچی کنگز کا لاہور قلندرز کے خلاف پلڑا بھاری ہے، دونوں ٹیموں کےدرمیان گیارہ میچ ہوئے سات میں کراچی نے میدان مارا اور تین لاہور نےجیتے، ایک میچ کا فیصلہ سپر اوور میں ہوا،نیشنل اسٹیڈیم میں اعصاب شکن مقابلہ شام سات بجے شروع ہوگا۔
پی ایس ایل فائیو کے فائنل کے بعد کراچی کنگز اور لاہور قلندرز کے درمیان یہ پہلا معرکہ ہوگا، پی ایس ایل فائیو میں کراچی نے لاہور کو شکست دیکر پہلی بار ٹائٹل اپنے نام کیا تھا۔
دلوں کی بادشاہ کراچی کنگز پی ایس ایل سیزن سکس کے پوائنٹس ٹیبل پر دوسری پوزیشن پر ہے جبکہ لاہور قلندرز کی تیسری پوزیشن ہے۔
یہ بھی پڑھیں: بابر اور کلارک نے کراچی کنگز کو کامیابی دلوادی، سلطانز کو 7 وکٹوں سے شکست
کل ہونے والے پی ایس ایل 6 کے نویں میچ میں کراچی کنگز نے بابر اعظم اور جو کلارک کی شاندار اننگز کی بدولت ملتان سلطانزکو باآسانی 7 وکٹوں سے شکست دی تھی، بابر اعظم کو میچ کا بہترین کھلاڑی قرار دیا گیا۔
The post پی ایس ایل6: آج دو روایتی حریفوں کے درمیان اعصاب شکن مقابلہ متوقع appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/3dUsg4z
via IFTTT
No comments:
Post a Comment
please do not enter ant\y spam link in comment box