کراچی: رینجرز اور پولیس کی بڑی کارروائی، انتہائی مطلوب جرائم پیشہ گروہ گرفتار

کراچی: شہرقائد میں پاکستان رینجرز سندھ اور پولیس نے انٹیلی جنس معلومات پر مشترکہ کارروائی کی، جس کے نتیجے میں انتہائی مطلوب ڈکیت اور موٹر سائیکل چھیننے والے گروہ کے5ملزمان گرفتار ہوگئے۔

تفصیلات کے مطابق گرفتار ملزمان میں ایازعرف ڈوگر، نعیم احمد عرف ریما اور نویدخان عرف ڈابلہ شامل ہیں۔ رینجرز ترجمان کا کہنا ہے کہ ملزمان میں حیدر خان عرف چھوٹا کرپشن اور علی مری بھی شامل ہیں، ملزمان مختلف علاقوں میں ڈکیتی اور موٹر سائیکلیں چھیننے میں ملوث رہے۔

ترجمان رینجرز نے بتایا کہ ملزمان سرکاری محکمے کے رنگ کی گاڑی بھی استعمال کرتے تھے۔

رینجرز کا مزید کہنا تھا کہ گرفتارملزمان قتل، اقدام قتل ودیگر جرائم میں بھی ملوث ہیں، گرفتار ملزمان 4موٹر سائیکلیں بھی برآمد کرلی گئیں، ملزمان اور مسرقہ سامان قانونی کاروائی کے لیے پولیس کے حوالے کردیے گئے۔

خیال رہے کہ نئے سال کے آغاز سے کراچی میں جرائم کی وارداتوں میں بھی اضافہ ریکارڈ کیا گیا ہے۔

The post کراچی: رینجرز اور پولیس کی بڑی کارروائی، انتہائی مطلوب جرائم پیشہ گروہ گرفتار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2O8AXOd
via IFTTT