ریاض: سعودی حکومت نے ملکی تعلیم کا معیار بلند کرنے کے لیے اہم معاہدے پر دست خط کیے ہیں۔
غیرملکی خبررساں ادارے کی رپورٹ کے مطابق سعودی وزارت ثقافت اور ایجوکیشن اینڈ ٹریننگ ایویویلیشن کمیشن (ای ٹی ای سی) کے درمیان تعلیمی معیار بلند کرنے کے لیے معاہدہ طے پایا ہے۔
معاہدے کے تحت آرٹ، ثقافت، عمومی اور اعلیٰ تعلیم کے شعبوں میں صلاحیتوں کو بڑھانے کے لیے تعاون کو بڑھایا جائے گا، اس معاہدے کا مقصد مختلف تربیتی پروگراموں کے ذریعے سعودی نوجوانوں اور طالب علموں کی مستقل پیشہ ورانہ ترقی کو یقینی بنانے کے طریقہ کار کو بھی ہموار کرنا ہے۔
سعودی وزارت ثقافت کے نائب وزیر پروفیسر حمید بن محمد فایز اور ایجوکیشن اینڈ ٹریننگ ایویویلیشن کمیشن کے چیئرمین ڈاکٹر حسام بن عبدالوہاب زمان نے معاہدے پر دستخط کیے۔
سعودی عرب: ملازمت تلاش کرنے والوں کیلئے اچھی خبر
مملکت میں ای ٹی ای سی سرکاری اور نجی تعلیم کی تشخیص کو یقینی بناتا ہے، اس کے علاوہ وزارت تعلیم کے تعاون سے عوامی تعلیم کے نصاب کے اصول مرتب کرنا اور منظوری بھی اسے شعبے کی ذمے داری ہے۔
خیال رہے کہ گذشتہ روز بھی سعودی منسٹری آف ہیومن ریسورسز اینڈ سوشل ڈویلپمنٹ اور ایجوکیشن اینڈ ٹریننگ ایویویلیشن کمیشن کے درمیان ایک معاہدہ ہوا ہے جس کے ذریعے لیبر مارکیٹ کی مہارت کو بڑھایا جائے گا اور مختلف شعبوں میں ملازمت کے متلاشیوں کو ٹریننگ بھی دی جائے گی۔
The post سعودی عرب میں تعلیمی شعبے کیلئے بڑا قدم appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/3gQsaNb
via IFTTT
No comments:
Post a Comment
please do not enter ant\y spam link in comment box