پنجاب میں کورونا کی خطرناک صورتحال ،ایک دن میں 100 سے زائد اموات

لاہور : پنجاب میں ایک دن میں کورونا وائرس سے 100 سے زائد اموات ہوئیں ، جس کے بعد صوبے میں اموات کی کل تعداد 8 ہزار 683 ہوگئی۔

تفصیلات کے مطابق پنجاب میں کورونا صورتحال خطرناک ہوتی جارہی ہے، محکمہ صحت پنجاب کا کہنا ہے کہ صوبے میں کورونا وائرس سے مزید 111 افراد جاں بحق ہوگئے ، جس سے اموات کی کل تعداد 8 ہزار 600 سے زائد ہوگئی ، لاہور میں سب سے زیادہ 37 اموات ریکارڈ کی گئی اور شہر میں کورونا وائرس سے اموات کی کل تعداد 3558 ہو گئی۔

کیسز کے حوالے سے ترجمان نے بتایا کہ پنجاب میں کورونا وائرس کے 1600 نئے کیسز سامنے آئے ، جس کے بعد صوبے میں کورونا وائرس کے کنفرم مریضوں کی تعداد 308,529 ہو گئی، محکمہ صحت پنجاب

لاہور میں کورونا کے 727 کیسز رپورٹ ہوئے جبکہ ننکانہ 7، قصور 36، شیخوپورہ 12، راولپنڈی 105، جہلم 2، اٹک 21، چکوال 4، مظفرگڑھ 14، حافظ آباد 6 اور گوجرانوالہ 6 ، سیالکوٹ 19، نارووال 10، گجرات 9، منڈی بہاؤالدین 1، ملتان 96، خانیوال 23 ، راجن پور 2، لیہ 3، ڈیرہ غازی خان 19 اور وہاڑی میں 29 کیس سامنے آئے۔

اسی طرح فیصل آباد 127، چنیوٹ 7، ٹوبہ ٹیک سنگھ 6، جھنگ 8 اور رحیم یار خان میں 74 ، سرگودھا 71، میانوالی 6، خوشاب 4، بہاولنگر 9، بہاولپور 49، لودھراں 9 ، بھکر 12، ساہیوال 11، پاکپتن 3 اوراوکاڑہ میں 62 کیسز رپورٹ ہوئے۔

The post پنجاب میں کورونا کی خطرناک صورتحال ،ایک دن میں 100 سے زائد اموات appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2QKku4s
via IFTTT