اپوزیشن کی وجہ سے افسوسناک صورتحال بھگت رہے ہیں، ناصر شاہ

حیدرآباد : وزیراطلاعات وبلدیات سندھ ناصر شاہ نے کہا ہے کہ سندھ اسمبلی میں اپوزیشن کی وجہ سے افسوسناک صورتحال بھگت رہے ہیں، قومی اسمبلی میں پیپلز پارٹی کا ایسا رویہ نہیں ہے۔

یہ بات انہوں نے وزیرتعلیم سعیدغنی کے ہمراہ حیدر آباد میں میڈیا سے گفتگو کرتے ہوئے کہی، وزیر اطلاعات و بلدیات سندھ ناصر شاہ نے کہا کہ سندھ اسمبلی میں اپوزیشن کی وجہ سے افسوسناک صورتحال کو بھگت رہے ہیں۔

انہوں نے کہا کہ قومی اسمبلی میں پیپلز پارٹی کا ایسا رویہ نہیں ہے، پی ٹی آئی نئی پارٹی ہے، دوبارہ اس کے منتخب ہونے کا امکان نہیں ، سندھ اسمبلی میں پہلے ایسی صورتحال نہیں ہوئی جواب انہوں نے پیدا کی ہے۔

ناصرشاہ کا کہنا تھا کہ پی ٹی آئی والے صرف شورشرابا، ہنگامہ آرائی کرنا جانتے ہیں، سندھ اسمبلی میں ڈھول اورشہنائیوں کے ساتھ باہر کے لوگ لے کر آئے، پی ٹی آئی والےسیکیورٹی پر مامور غریب اہلکاروں سے لڑ پڑے۔

وزیراطلاعات و بلدیات سندھ حزب اختلاف کا کام حکومت کی خامیوں اور کمزوریوں کو سامنے لانا ہے، اسمبلی میں جنازے لے کر آنا، ٹکراؤ کی صورتحال پیدا کرنا اپوزیشن کا کام نہیں۔

ان کا مزید کہنا تھا کہ آج جی ڈی اے والوں نے شورشرابے میں حصہ نہیں لیا، جی ڈی اے رہنما نند کمار نے ان کی مذمت کی، ایم کیو ایم نے ساتھ نہیں دیا۔

The post اپوزیشن کی وجہ سے افسوسناک صورتحال بھگت رہے ہیں، ناصر شاہ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3drZozS
via IFTTT