ٹیلی گرام صارفین کے لیے زبردست اور منفرد فیچر متعارف

پیغام رسانی کے لیے استعمال ہونے والی واٹس ایپ کی متبادل موبائل ایپلیکیشن ٹیلی گرام نے صارفین کے لیے شاندار سہولت متعارف کرادی۔

ٹیلی گرام کی جانب سے جاری ہونے والے اعلامیے میں بتایا گیا ہے کہ اب صارفین ویڈیو کال گروپ کی صورت میں کرسکیں گے جبکہ اس سے قبل دو صارف ہی آپس میں بات کرسکتے تھے۔

کمپنی کے مطابق گروپ ویڈیو کال کے دوران صارفین کو اسکرین شیئر کرنے کی سہولت بھی ہوگی جبکہ وہ مختلف اینیمیٹڈ تصاویر اور اسٹیکرز بھی دوستوں کو بھیج سکیں گے۔

ٹیلی گرام نے گروپ ویڈیو کالنگ کی سہولت صرف موبائل صارفین کے لیے متعارف نہیں کرائی بلکہ کمپیوٹر اور ٹیبلیٹ پر استعمال کرنے والے بھی اس سہولت سے استفادہ کرسکتے ہیں۔

Group Video Calls are here. With screen sharing, crisp audio and smooth animations, all optimized for phones, tablets and computers. This is big – and will only get bigger. https://t.co/1S7ZkbRhJL

— Telegram Messenger (@telegram) June 25, 2021

کمپنی نے بتایا کہ یہ سہولت استعمال کرنے کے لیے صارفین کو ایپلیکیشن اپ ڈیٹ کرنا ہوگی، جس کے بعد وہ گروپ ویڈیو کالنگ اور اسکرین شیئر کرسکیں گے۔ علاوہ ازیں صارفین کو کمپنی کی جانب سے اپ ڈیٹ بھی بھیجی جائے گی۔

The post ٹیلی گرام صارفین کے لیے زبردست اور منفرد فیچر متعارف appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/35UmYko
via IFTTT