سعودی حکومت نے ورک پرمٹ سے متعلق اہم وضاحت جاری کردی

ریاض : سعودی وزارت افرادی قوت و سماجی بہبود نے کہا ہے کہ ورک پرمٹ میں توسیع کے حوالے سے طریقہ کار کی وضاحت کی جا رہی ہے۔

سعودی ذرائع ابلاغ کے مطابق وزارت افرادی قوت سے ایک شہری نے شکایت کی تھی کہ وہ اپنے اجیر کے اقامے کی تجدید نہیں کر پا رہا ہےکیونکہ جب بھی وہ اقامے کی توسیع کیلئے کارروائی کرتا ہے تو اسکرین پر یہ پیغام آجاتا ہے کہ ورک پرمٹ مؤثر نہیں ہے حالانکہ میں ورک پرمٹ کی فیس بھی ادا کرچکا ہوں۔

اس شہری کی شکایت پر وزارت افرادی قوت نے اپنے وضاحتی بیان میں کہا کہ نجی ادارے کے مالک کے شناختی کارڈ کا نمبر درج کیا جائے پھر ادارے کا نمبر اور موبائل نمبر دیا جائے اور اس سے قبل ورک پرمٹ کی فیس ادا کردی جائے، اس کارروائی کے بعد ہی ورک پرمٹ جاری ہوتا ہے۔

وزارت افرادی قوت نے ورک پرمٹ کے اجراء یا توسیع کے حوالے سے طریقہ کار کی وضاحت کرتے ہوئے کہا کہ ادارے کا مالک ویب سائٹ پرجائے۔ ادارے کا انتخاب اور پھر مطلوبہ کام کا انتخاب کرے۔ اس کے بعد مطلوبہ معلومات کا اندراج کیا جائے۔

متعلقہ اجیر کا نام تحریر کرنے کے ساتھ واضح کرے کہ اسے ورک پرمٹ جاری کرانا ہے یا اس میں توسیع مقصود ہے۔ اس کے بعد ارسال والے خانے کا انتخاب کیا جائے جس پر ورک پرمٹ کی فیس کا نمبر آجاتا ہے۔ اس نمبر سے فیس جمع کرکے باقی کارروائی مکمل کرنا ہوگی۔

The post سعودی حکومت نے ورک پرمٹ سے متعلق اہم وضاحت جاری کردی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3gqT4ZU
via IFTTT