کویت روانگی سے قبل مسافروں کے لئے نیا طریقہ کار متعارف

کویت سٹی: کویت نے فضائی سفر کرنے والے مسافروں کے لئے نیا طریقہ کار متعارف کرادیا ہے۔

تفصیلات کے مطابق کویت نے روانگی سے قبل ” کویت مسافر” پلیٹ فارم پر اندراج کی شرط کو ختم کردیا ہے، اس کا فیصل منفی مشاہدات اور پارلیمانی و عوامی مطالبات کے پیش نظر کیا گیا ہے۔

کویتی حکام کے مطابق کویت مسافر پلیٹ فارم کو نئی شکل میں دوبارہ لانچ کیا گیا ہے اور اب ملک سے روانگی کی پروازوں کے لئے اس میں اندراج کرنے کی ضرورت کو ختم کردیا گیا ہے تاکہ مسافر کوئی خاص اعداد و شمار اور معلومات فراہم کیے بغیر ہی بیرونِ ملک سفر کرسکیں اور جس ملک کے لئے سفر کرنا ہے وہاں کی ضروریات کو مکمل طور پر جان سکیں گے۔

حکام کا کہنا ہے کہ پلیٹ فارم میں سب سے نمایاں ترامیم میں صرف ملک آمد کے سفر کے لئے اندراج کا مواد شامل تھا کیونکہ وزارت داخلہ اور سول انفارمیشن اتھارٹی سے رابطہ کرنے کے بعد اعداد و شمار کے اندراج کے مراحل کم کردیئے گئے تھے۔

ضروری ترمیم کے بعد اب مسافر پرواز کے اندراج سے مطمئن ہیں کیونکہ ایئرپورٹ پہنچنے کی تاریخ ، سول شناختی نمبر اور سیریل نمبر کے اندراج کے ساتھ ساتھی مسافروں کے ناموں کا اندراج بھی کرنا ہوگا چاہے وہ خاندان کے افراد ہوں یا دوست۔

یہ بھی پڑھیں: کویت : فضائی مسافروں کیلئے بڑی سہولت کا اعلان

پلیٹ فارم خود کار طریقے سے نام اور مسافروں کے ذاتی ڈیٹا کی شناخت کرلے گا اور مسافروں کا ہیلتھ اسٹیٹس اور فون نمبر ڈال کر اسے امیون اور شلونک پروگراموں سے لنک کردے گا تاکہ مسافر ملک پہنچنے کے بعد اپنی صحت کے حفاظتی طریقہ کار اور پی سی آر ٹیسٹ کے نتیجے کے بارے میں جان سکیں۔

کویت آمد کے بعد مسافر منظور شدہ لیبارٹریوں سے پی سی آر کرواسکتے ہیں جس کے لئے انہیں فیس ادا کرنا ہوگی یا پھر سات دن گھریلو قرنطیینہ کی مدت پوری کرنی ہوگی۔

The post کویت روانگی سے قبل مسافروں کے لئے نیا طریقہ کار متعارف appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3BZ2i9E
via IFTTT