پولیس اہلکاروں کے لیے خوش خبری

کراچی: صوبہ سندھ میں ‘سپاہی’ سے ‘اے ایس آئی’ رینک تک پولیس اہلکاروں کی تنخواہ بڑھائی جائے گی۔

تفصیلات کے مطابق محکمہ سندھ پولیس میں دیگر صوبوں کے مساوی تنخواہ، الاؤنس ودیگر مراعات بڑھانے کا فیصلہ ہوا ہے۔ چیف سیکریٹری سندھ کی منظوری سے کمیٹی تشکیل دے دی گئی۔

کمیٹی کے قیام کا باقاعدہ نوٹیفکیشن جاری کردیا گیا۔ 5رکنی کمیٹی ایڈیشنل چیف سیکریٹری کی سربراہی میں بنائی گئی جس میں آئی جی سندھ اور سیکریٹری فنانس کمیٹی شامل ہیں۔

اسی طرح سیکریٹری سروسز اور سیکریٹری لا بھی کمیٹی کا حصہ ہوں گے۔

کمیٹی اہلکاروں کی تنخواہوں، الاؤنسز اور اسکیل کاجائزہ لے گی۔ کمیٹی سندھ پولیس کی تنخواہ کا دیگر صوبوں سے موازنہ کرے گی جس کے بعد سپاہی سے لے کر اے ایس آئی رینک کے اہلکاروں کی تنخواہ بڑھائی جائے گی۔

مذکورہ عہدوں تک تمام سہولتیں مساوی کرنے کی سفارش کی جائے گی۔

The post پولیس اہلکاروں کے لیے خوش خبری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3Bio6fw
via IFTTT