بندر کی جذباتی ویڈیو نے لوگوں کو رلادیا

ممبئی: بھارت میں بندروں کی شرارتیں کسی سے ڈھکی چھپی نہیں ہیں، کھبی یہ کسی شہری کا موبائل چھین کر سیلفیاں بناتے ہیں تو کھبی کسی مکان یا دوکان پر حملہ کرتے ہوئے غذائی اشیا لوٹ کر رفو چکر ہوجاتے ہیں۔

مگر آج ہم آپ کے پیش نظر بندروں کی شرارت کے بجائے ایک ایسا واقعہ بیان کررہے ہیں جسے پڑھ کر آپ کی آنکھوں میں بھی بے ساختہ آنسو نکل آئیں گے۔

واقعہ آندھرا پردیش کے ضلع اننت پور میں پیش آیا، بھارتی میڈیا رپورٹ کے مطابق تین دن قبل بندر کا بچہ درخت سے گر کر ہلاک ہوگیا، جب یہ بچہ درخت سے گرا تو اس کے ساتھی بندر بھی وہاں پہنچے، لیکن جب انہوں نے دیکھا کہ اس کی موت واقع ہوگئی تو وہ کچھ دیر بعد وہاں سے چل دئیے۔

مگر ہلاک بچے کی ماں کے طرز عمل نے وہاں موجود لوگوں کے دل دہلا دئیے، ایسے میں کسی شخص نے دلخراش ویڈیو بناڈالی، ویڈٰیو میں دیکھا جاسکتا ہے کہ ایک بندریا اپنے ہلاک بچے کی لاش کے پاس بیٹھی ہے اور اسے جھنجھور کر دیکھ رہی ہے کہ شاید اس میں کچھ سانس باقی ہو۔

یہ بھی پڑھیں: امریکا میں عجیب الخلقت کچھوے کی پیدائش

ماں کی مامتا کو پھر بھی قرار نہ آیا تو اس نے مخصوص آواز میں لوگوں سے مدد کی اپیل کی، مگر بے سود تھا کیونکہ بچے کی موت واقع ہوچکی تھی، شاید اسی آس میں کہ بچہ زندہ ہے وہ اسے اپنے ساتھ لئے گھومتی رہی، لوگوں کے مجمع لگانے پر وہ اپنے ہاتھوں میں اٹھائے ادھر اُدھر بھاگتی رہی، بندر کی تکلیف ناقابل بیان تھی وہ متواتر تین دن تک اپنے بچے کو لئے گھومتی رہی۔

بعد ازاں وہ اسے نامعلوم مقام پر لی گئی، جس کا سراغ نہیں لگایا جاسکا ہے۔

The post بندر کی جذباتی ویڈیو نے لوگوں کو رلادیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3ABJJGH
via IFTTT