چٹاکانگ ٹیسٹ:پاکستان نے بنگلا دیش کو 8 وکٹوں سے ہرادیا

چٹاکانگ: ٹی ٹوئنٹی کے بعد شاہینوں نے ٹیسٹ میں بھی شاندار آغاز کرتے ہوئے بنگلا دیش کو آؤٹ کلاس کردیا ہے۔

تفصیلات کے مطابق پاکستان نے چٹاکانگ ٹیسٹ میں بنگلا دیش کو 8 وکٹوں سے شکست دے دی ہے، پاکستان نے 202 رنز کاہدف 2 وکٹوں پر حاصل کرلیا۔

پاکستانی اوپنرز کی 151 رنز کی بہترین شراکت نے میچ جیتنے کی بنیاد ڈالی، ٹیسٹ میں ڈیبیو کرنے والےعبداللہ شفیق نے دونوں اننگز میں نصف سنچریاں اسکور کرتے ہوئے چٹاکانگ ٹیسٹ کو یادگار بنالیا، عبداللہ شفیق نے پہلی اننگز میں 52، دوسری میں 73بنائے۔

پاکستانی اوپنر عابد علی دوسری اننگز میں بھی شاندار کھیل کا مظاہرہ کرتے ہوئے 91 رنز کی بہترین اننگز کھیلی وہ نروس نائنٹیز کا شکار ہوئے، عابد علی نے پہلی اننگزمیں 133 بنائے تھے۔

یہ بھی پڑھیں: کیا پلان ملا تھا؟ بلے باز نے بتا دیا

یاد رہے کہ چٹاکانگ ٹیسٹ کی پہلی اننگز میں بنگلا دیش نے 330 رنز بنائے تھے، تیج السلام کی تباہ کن بولنگ کی بدولت پاکستان 286 رنز پر آل آؤٹ ہوئی جس کے باعث بنگال ٹائیگرز کو 44 رنز کی برتری حاصل ہوئی تھی۔

بنگلا دیش کی دوسری اننگز میں شاہین نے تباہ کن بولنگ کرتے ہوئے 157 پر آل آؤٹ کیا تھا۔

چٹاکانگ ٹیسٹ میں شاہین شاہ آفریدی 7، حسن علی اور ساجد خان نے 4، چار وکٹیں لیکر نمایاں رہے۔

Congratulations Pakistan!
Pakistan win Chattogram Test by eight wickets, take 1-0 lead in two-match series. #BANvPAK#HarHaalMainCricket pic.twitter.com/1o1uM5cfLW

— Pakistan Cricket (@TheRealPCB) November 30, 2021

دومیچوں کی سیریز میں پاکستان نے 0-1 کی برتری حاصل کرلی ہے، دونوں ٹیموں کے درمیان دوسرا ٹیسٹ 4 دسمبر کو ڈھاکا میں کھیلا جائے گا، ٹیسٹ سیریز آئی سی سی ٹیسٹ چیمپئن شپ کا حصہ ہے۔

The post چٹاکانگ ٹیسٹ:پاکستان نے بنگلا دیش کو 8 وکٹوں سے ہرادیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3lmPVxD
via IFTTT