ایشز سیریز: پیٹ کمنز آسٹریلیا ٹیم کے کپتان مقرر

کینبرا: ایشز سیریز میں کینگروز ٹیم کی کپتانی کون کرےگا؟ کرکٹ آسٹریلیا نے اعلان کردیا۔

تفصیلات کے مطابق پیٹ کمنز کو ٹم پین کی جگہ آسٹریلیا کی ٹیسٹ ٹیم کا کپتان مقرر کردیا گیا ہے جبکہ اسٹیو اسمتھ نائب کپتانی کے فرائض انجام دینگے، پیٹ کمنز آسٹریلیا اور انگلینڈ کےدرمیان پہلےایشیز ٹیسٹ سے قیادت شروع کرینگے۔

واضح رہے کہ ٹم پین پر دوہزار سترہ کی ایشز سیریز کے دوران کرکٹ تسمانیہ کی سابق ملازمہ کو نازیبا ‏پیغامات بھیجنے کا الزام تھا، خاتون ساتھی کو نازیبا پیغامات بھیجنے پر پین کےخلاف تحقیقات جاری تھیں، خود ‏ٹم پین نے نازیبا پیغامات بھیجنے کا اعتراف کرتے ہوئے استعفٰی دیا تھا۔

یہ بھی پڑھیں: ٹم پین کا خاتون کو نازیبا پیغامات بھیجنے کا اعتراف (ویڈیو)

تاہم اب کرکٹ آسٹریلیا کے مطابق ٹم پین نے ذہنی صحت کیلئےغیر معینہ مدت تک رخصت لی ہے۔

یہ پہلا موقع ہے جب فاسٹ بولر بطور مستقل کپتان آسٹریلوی ٹیم ‏کی قیادت کریں گے۔

ایشیز کا پہلا ٹیسٹ 8 دسمبر سے برسبین میں اور دوسرا ٹیسٹ 16 دسمبر سے ایڈیلیڈ میں شروع ہوگا۔

The post ایشز سیریز: پیٹ کمنز آسٹریلیا ٹیم کے کپتان مقرر appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3xogiIk
via IFTTT