دبئی ایکسپو: آفریدی نے پاکستانی پویلین کو شاہکار قرار دے دیا

دبئی: دبئی ایکسپو ٹوئنٹی ٹوئنٹی میں کرکٹ سپر اسٹارشاہد آفریدی نے شرکت کرکے تقریب کو چارچاند لگادئیے۔

تفصیلات کے مطابق دبئی ایکسپو 2020 میں بوم بوم آفریدی نے پاکستانی پویلین کا دورہ کیا جہاں انہوں نے اسپورٹس سیکٹر میں پبلک پرائیویٹ پارٹنر شپ پوٹینشل، نشتر پارک اسپورٹس کمپلیکس میں فائیو اسٹار ہوٹل کی تعمیر اور ڈویژنل سطح پر انٹرنیشنل اسٹینڈرڈ کمپلیکس کی تعمیر پر سرمایہ کاری کے مواقع کے حوالے سے پینل ڈسکشن میں شرکت کی۔

اس موقع پر اظہار خیال کرتے ہوئے کرکٹ اسٹار شاہد آفریدی نے کہا کہ یہاں آنا بہترین تجربہ ثابت ہوا، پاکستان پویلین کےذریعےدنیا کومثبت پیغام دیاجارہاہے۔

شاہد آفریدی نے کہا کہ پنجاب حکومت کھیلوں کےفروغ کیلئےاچھاکام کررہی ہے، پاکستان میں کھیلوں کےفروغ کیلئےپرائیوٹ سیکٹرزکوآگےآنےکی ضرورت ہے۔

Proud to announce Our Star and brother @SAfridiOfficial as Spokesperson of @Sports_BoardPB during his visit to Expo 2020. Your presence and voice will be a game changer for promotion of Youth and Sports activities and athletes in the province. pic.twitter.com/mODTMzVgx7

— Rai Taimoor Khan Bhatti (@RaiTaimoorPTI) November 29, 2021

واضح رہے کہ دبئی ایکسپو کا میلہ زور وشور سے جاری ہے، ماہ نومبر کا مہینہ پاکستانی پویلین میں صوبہ پنجاب کے سپرد ہے، جہاں پنجاب کی ثقافت کی عکاسی کی جارہی ہے۔

سی ای او پنجاب سرمایہ کاری بورڈڈاکٹر ارفع اقبال نے کہا کہ دبئی ایکسپو میں پنجاب کی شرکت سے صوبے میں نئی سرمایہ کاری آئے گی۔

سیکرٹری صنعت وتجارت واصف خورشید کہتے ہیں کہ لوگوں کو یہاں اکھٹا کرنے کا مقصد انہیں پنجاب کا کلچر اور ملک کا سافٹ امیج دکھانا ہے۔ پنجاب کے دستکاروں کی تیار کردہ ہینڈی کرافٹس دنیا بھر میں مقبول ہیں۔

The post دبئی ایکسپو: آفریدی نے پاکستانی پویلین کو شاہکار قرار دے دیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3Ee8pbe
via IFTTT