چور خود ہی جال میں پھنس گیا

امریکا میں ایک ہفتے کے دوران دیدہ دلیر چور  ایک ہی سپر اسٹور میں مسلسل چوتھی بار چوری کرنے داخل ہوا لیکن پولیس کے ہاتھوں گرفتار ہوگیا۔

چوری اور سینہ زوری یہ محاورہ تو  سب نے ہی سنا ہوگا لیکن امریکا میں اس محاورے کو عملی جامہ پہنانے والے چور کو لینے کے دینے پڑگئے۔

امریکی ریاست نیوجرسی کے مصروف علاقے میں 10 سے 16 جنوری کے دوران گھریلو اشیا کے ایک اسٹور میں تین بار چوری کی واردات ہوئی جس کے بعد اسٹور مالکان نے پولیس سے مدد لی۔

چور جب چوتھی واردات کے لیے  مذکورہ اسٹور میں داخل ہوا تو وہاں پہلے سے موجود سادہ لباس اہلکاروں نے اسے پکڑلیا جس کی شناخت 34 سالہ ٹریوس بلو کے نام سے ہوئی۔

تفتیش کی گئی تو گرفتار چور نے یہ حیرت انگیز انکشاف کیا کہ رواں ہفتے اسٹور میں ہونے والی تینوں چوریاں بھی اسی نے کی تھیں۔

چور نے گرفتاری سے بچنے کے لیے مزاحمت بھی کی جس کے نتیجے میں اسٹور  مالک کا بیٹا بھی زخمی ہوا۔

واضح رہے کہ نیوجرسی میں مذکورہ اسٹور ایک ستتر سالہ بوڑھے اوگی لوپیز کا ہے جو اپنے بیٹے کے ساتھ رہتے ہیں۔

from ARYNews.tv | Urdu – Har Lamha Bakhabar https://ift.tt/Om2fkUy5p
via IFTTT