بھارتی فلمساز نے ابرار الحق کا گانا چوری کرلیا

بھارت کے مشہور فلم ساز کرن جوہر نے پاکستان کے معروف گلوکار ابرار الحق کا مشہور زمانہ گانا ”نچ پنجابن نچ“ مبینہ طور پر چوری کرلیا ہے۔

سماجی رابطے کی ویب سائٹ ٹوئٹر پر گلوکار ابرار الحق نے اپنے اکاؤنٹ سے بیان جاری کیا جس میں انہوں نے کہا کہ میں نے کسی بھارتی فلم کو اپنا گانا ”نچ پنجابن“ فروخت نہیں کیا۔

ابرار الحق نے کہا کہ گانا چوری کیے جانے پر میں اس کے خلاف ہرجانے کے لیے عدالت جانے کا مکمل حق رکھتا ہوں، کرن جوہر جیسے پروڈیوسر کو کسی کا گانا کاپی نہیں کرنا چاہیے۔

گلوکار نے انکشاف کیا کہ یہ میرا چھٹا گانا ہے جو بغیر اجازت استعمال کیا گیا ہے۔

 

View this post on Instagram

 

A post shared by Entertainment Popcorn (@entertainment_popcorn)

I have not sold my song “ Nach Punjaban” to any Indian movie and reserve the rights to go to court to claim damages. Producers like @karanjohar should not use copy songs. This is my 6th song being copied which will not be allowed at all.@DharmaMovies @karanjohar

— Abrar Ul Haq (@AbrarUlHaqPK) May 22, 2022

So #Bollywood have again copied Pakistani song #NachPunjaban by @AbrarUlHaqPK in upcoming film #JugJugJeeyo@karanjohar I expected some decency from you.@DharmaMovies

— Hasan Kazmi (@hasankazmi_) May 22, 2022

یہ کوئی پہلی دفعہ نہیں بلکہ بھارتی فلمسازوں نے اس سے پہلے بھی پاکستانی گلوکاروں کے متعدد گانے کاپی کیے ہیں۔ کچھ روز قبل معروف گلوکارہ حدیقہ کیانی اپنا مقبول ترین گانا ”بوہے باریاں“ کاپی کرنے پر بھارتی گلوکارہ کنیکا کپور پر برہم ہوگئی تھیں۔

بعد ازاں کنیکا کپور نے ردعمل دیتے ہوئے کہا تھا کہ ”ہم نے ایک اوریجنل گانا بنایا ہے، جسے جونیجا جی نے لکھا ہے، شروتی نے گوروف داس گپتا کے ساتھ مل کر اس گانے کی موسیقی ترتیب دی ہے اور اس گانے میں ایک پرانے پنجابی لوک گیت کی ایک لائن استعمال کی گئی ہے۔“

from ARYNews.tv | Urdu – Har Lamha Bakhabar https://ift.tt/KTiMY8J
via IFTTT