شاداب نے ناقابل یقین کیچ تھام کر سب کو حیران کردیا

قومی ٹیم کے نائب کپتان شاداب خان نے ویسٹ انڈیز کیخلاف میچ میں ناقابل یقین کیچ تھام کر سب کو حیران کردیا۔

ملتان میں کھیلے جانے والے پہلے ون ڈے میچ میں قومی ٹیم کے آل راؤنڈر شاداب خان نے 30.5 اوورز میں محمد نواز کی گیند پر بروکس کا شاندار کیچ پکڑ کو کمنٹیٹر سمیت سب کو داد دینے پر مجبور کردیا۔

ویسٹ انڈیز بلے باز 70 رنز پر بیٹنگ کررہے تھے۔

ویڈیو میں دیکھا جاسکتا ہے کہ نواز کی گیند پر لیگ سائیڈ پر بڑی ہٹ لگانے گئے لیکن بلے پر ایج لگی اور کیچ شاداب خان کی جانب چلا گیا جو شارٹ تھرڈ مین پر کھڑے تھے۔

شاداب خان نے کیچ پکڑنے کے لیے دائیو لگائی اور ایک ہاتھ سے کیچ پکڑ کر بروکس کی اننگز کا خاتمہ کیا۔

UNREAL FROM SHADAB @mnawaz94 gets the breakthrough courtesy a one-handed stunner from @76Shadabkhan! #PAKvWI | #KhelAbhiBaqiHai pic.twitter.com/x2IlVnVuJW

— Pakistan Cricket (@TheRealPCB) June 8, 2022

واضح رہے کہ میچ میں ویسٹ انڈیز نے پاکستان کو جیت کے لیے 306 رنز کا ہدف دیا ہے جس کے تعاقب میں پاکستان کی بیٹنگ جاری ہے۔

پاکستان نے 35.4 اوورز میں 1 وکٹ کے نقصان پر 194 رنز بنالیے ہیں، بابر اعظم 84 اور رضوان 22 رنز کے ساتھ کریز پر موجود ہیں۔

from ARYNews.tv | Urdu – Har Lamha Bakhabar https://ift.tt/O9exopR
via IFTTT