بھارت: بپن راوت کی ہلاکت کے 9 ماہ بعد انیل چوہان نئے چیف مقرر

نئی دہلی: بھارت میں جنرل بپن راوت کی ہیلی کاپٹر حادثے میں ہلاکت کے 9 ماہ بعد نئے نیا چیف آف ڈیفنس اسٹاف کا انتخاب کرلیا گیا۔

بھارتی میڈیا کے مطابق حکومت نے ریٹائرڈ لیفٹیننٹ جنرل انیل چوہان کی بطور چیف آف ڈیفنس اسٹاف تعیناتی کا فیصلہ کرلیا۔ 61 سالہ انیل چوہان مئی 2021 میں ایسٹرن کمانڈ چیف کے طور پر ریٹائر ہوئے اور قومی سلامتی کونسل کے ملٹری ایڈوائزر کے طور پر خدمات انجام دے چکے ہیں۔

یہ پہلا موقع ہے کہ کسی ریٹائرڈ افسر کو اس عہدے پر تعینات کیا گیا۔ تقرری کے لیے حکومت نے 7 جون کو تینوں دفاعی فورسز کے قوانین میں ترمیم کے لیے گزٹ نوٹی فکیشن جاری کیا تھا۔

ترمیم کے مطابق حکومت چیف آف ڈیفنس اسٹاف کے ان ناموں پر بھی غور کر سکتی ہے جو لیفٹیننٹ جنرل کے مساوی یا اس عہدے سے ریٹائرڈ ہو چکے ہوں۔

Ministry of Defence issues gazette notifications to amend regulations of 3 defence forces related to appointment of Chief of Defence Staff. For appointing CDS the govt may consider officers who are serving as Lt Gen equivalent or General equivalent …(1/2) pic.twitter.com/3leGJB4SD4

— ANI (@ANI) June 7, 2022

واضح رہے کہ چیف آف ڈیفنس اسٹاف سب سے بڑا فوجی عہدہ ہے۔ مودی سرکاری نے 2020 میں بپن راوت کی ریٹائرمنٹ کے بعد انہیں پہلی بار اس عہدے پر تعینات کیا تھا۔

from ARYNews.tv | Urdu – Har Lamha Bakhabar https://ift.tt/6wUKjWL
via IFTTT