پی آئی اے ملازمین کے بیرون ملک جاکر لاپتہ ہونے کا نوٹس

اسلام آباد : پاکستان سے روانہ ہونے والی پی آئی اے کی بین الاقوامی پرواز میں ڈیوٹی پر مامور پی آئی اے ملازمین کے بیرون ملک جاکر پراسرار طور پر لاپتہ ہونے کا نوٹس لے لیا گیا۔

سینیٹ کی قائمہ کمیٹی برائے ایوی ایشن نے پی آئی اے پروازوں پر تعینات عملے کی بیرون ملک مبینہ لاپتہ ہونے کے واقعات کا سختی سے نوٹس لیا ہے۔ اس حوالے سے ذرائع کا کہنا ہے کہ سینیٹ کی قائمہ کمیٹی برائے ہوا بازی نے 27 اکتوبر کو خصوصی اجلاس طلب کرلیا ہے۔

اجلاس میں عملے کی پراسرار طور پر غائب ہونے سمیت مختلف ایجنڈوں کو زیر بحث لایا جائے گا، پی آئی اے کی جانب سے برطانیہ، یورپ اور چین کے لئے پروازیں آپریٹ نہ کرنے کے معاملے پر بھی بات ہوگی۔

اس کے علاوہ برطانیہ کے شہر لندن میں پی آئی اے کے دفتر میں ہونے والے بڑے مالی نقصان کا معاملہ بھی اجلاس کے ایجنڈے کا حصہ ہوگا۔

ذرائع کے مطابق ایئرپورٹس کے گردو نواح میں بڑھتی ہوئی سرگرمیوں کے باعث ائر لائنز کے جہازوں سے پرندے ٹکرانے کے بڑھتے ہوئے واقعات پر بھی بحث کی جائیگی۔

اجلاس میں کرایہ داروں سے رقم چارج کرنے پر سی اے اے کی طرف سے تفصیلی بریفنگ دی جائیگی اور بھارت سے پاکستان آنے والی چارٹرڈ فلائٹ کے حوالے سے عوامی اہمیت کے نقطہ پر غور و غوض ہوگا۔

from ARYNews.tv | Urdu – Har Lamha Bakhabar https://ift.tt/5uUJy6n
via IFTTT