روہت شرما کی سوریا کمار یادیو کو ٹرول کرنے کی ویڈیو وائرل

بھارتی ٹیم کے کپتان روہت شرما نے ساتھی کھلاڑی سوریا کمار یادیو کا مذاق اڑا دیا۔

آئی سی سی ٹی 20 ورلڈ کپ میں بھارتی ٹیم سمیت تمام ٹیمیں آسٹریلیا میں موجود ہیں جہاں وارم اپ میچز کا سلسلہ بھی جاری ہے بھارت نے بھی دو وارم اپ میچز کھیلنے تھے۔

بھارت کا ایک میچ آسٹریلیا اور دوسرا نیوزی لینڈ کے ساتھ ہونا تھا لیکن دوسرا میچ بارش کی وجہ سے منسوخ ہوگیا۔

ایسے میں بھارتی ٹیم نیٹ پریکٹس کے ساتھ تصاویر بنوانے میں بھی مصروف ہے۔

بھارتی میڈیا رپورٹس کے مطابق بیٹر سوریا کمار یادیو جس ملک بھی جاتے ہیں وہاں کے ایئرپورٹ پر اپنی سیلفی لیتے ہوئے تصویر ضرور شیئر کرتے ہیں۔

کپتان روہت شرما نے ان کے اس عمل پر مذاق بنادیا جس کی ویڈیو بھی وائرل ہورہی ہے۔

روہت ویڈیو میں بتارہے ہیں کہ ’ایک لڑکا جس ملک بھی جہاں جاتا ہے وہاں کے ایئرپورٹ پر تصویر لے کر شیئر ضرور کرتا ہے۔

ان کے یہ کہتے ہی ساتھی کھلاڑی مسکرانا شروع کردیتے ہیں جبکہ خود سوریا کمار بھی بے ساختہ مسکرا دیتے ہیں۔

واضح رہے کہ ورلڈ کپ پاک بھارت ٹیمیں 23 اکتوبر بروز اتوار کو مدمقابل آئیں گی۔

from ARYNews.tv | Urdu – Har Lamha Bakhabar https://ift.tt/Zv9cTBA
via IFTTT