بیرونی ادائیگیوں کے باوجود زرمبادلہ کے ذخائر برقرار ہیں، گورنر اسٹیٹ بینک

کراچی : گورنر اسٹیٹ بینک جمیل احمد نے کہا ہے کہ تمام بیرونی ادائیگیوں کے باوجود ملکی زرمبادلہ کے ذخائر برقرار ہیں۔

ان خیالات کا اظہار انہوں نے کراچی میں معاشی ماہرین سے غیر رسمی ملاقات کے موقع پر کیا، انہوں نے کہا کہ سٹہ خوروں، غیر رسمی کرنسی مارکیٹ میں کریک ڈاؤن سے روپیہ مضبوط ہوا۔

جمیل احمد کا کہنا تھا کہ انٹربینک مارکیٹ میں ڈالر کی سپلائی بہتر ہے، اس مہینے کے آخر تک2ارب ڈالر کی ترسیلات متوقع ہیں۔

گورنراسٹیٹ بینک نے کہا کہ ہم اپنے بیرونی واجبات وقت پر ادا کررہے ہیں، بیرونی ادائیگیوں کے باوجود زرمبادلہ ذخائر برقرار ہیں، اسٹیٹ بینک نے آئی ایم ایف کے ستمبر تک کے اہداف پورے کئے ہیں۔

from ARYNews.tv | Urdu – Har Lamha Bakhabar https://ift.tt/F6gfduS
via IFTTT