پنجاب حکومت نے سود کے کاروبار پر پابندی عائد کردی

 لاہور: پنجاب حکومت نے نجی سود کے کاروبار اور لین دین پر پابندی عائد کردی۔

قائم مقام وزیراعلیٰ پنجاب چوہدری پرویز الہیٰ نے سماجی رابطے کی سائٹ ٹویٹر پر بتایا کہ پنجاب میں نجی سود پر پابندی کا قانون نافذ ہونے کے بعد کئی گھر اجڑنے سے محفوظ رہیں گے۔

انہوں نے لکھا کہ ’سود ایک لعنت ہے اور دین اسلام میں اسے اللہ کے خلاف جنگ قرار دیا گیا ہے، نجی سود کے حوالے سے پابندی کا قانون دین کی خدمت ہے‘۔

سود کا کاروبار کرنے والوں کو روزقیامت کالے منہ کے ساتھ اٹھایا جائے گا۔ہم نیک نیتی سے دین کا کام کررہے ہیں اورآئندہ بھی کرتے رہیں گے۔

— Ch Parvez Elahi (@ChParvezElahi) January 18, 2023

پرویز الہیٰ نے کہا کہ ’سود پر پابندی سے ہم اللہ اور رسول ﷺ کے احکامات کی تعمیل کر کے سرخرو ہوئے ہیں‘۔ انہوں نے مزید لکھا کہ سود کا کاروبار کرنے والوں کو روزقیامت کالے منہ کے ساتھ اٹھایا جائے گا۔ ہم نیک نیتی سے دین کا کام کررہے ہیں اورآئندہ بھی کرتے رہیں گے۔

The post پنجاب حکومت نے سود کے کاروبار پر پابندی عائد کردی appeared first on ایکسپریس اردو.

source https://www.express.pk/story/2430076/1