قومی کرکٹر شاہنواز ڈاہانی نے بچپن کی یادیں تازہ کرلیں

لاڑکانہ: قومی کرکٹ ٹیم کے فاسٹ بولر شاہنواز ڈاہانی نے بچپن کی یادیں تازہ کرلیں۔

تفصیلات کے مطابق سندھ انفارمیشن ڈیپارٹمنٹ کی جانب سے فیس بک پر ایک پوسٹ کے زریعے بتایا گیا کہ پاکستان کے فاسٹ بولر شاہنواز ڈاہانی نے المدینہ کالونی لاڑکانہ میں واقع سندھ پبلک اسکول کا دورہ کیا۔

فیس بک پوسٹ میں بتایا گیا کہ قومی کرکٹر طلبا کے ساتھ گھل مل گئے اور ان کے ساتھ تصاویر بھی بنوائیں، شاہنواز ڈاہانی نے اپنی ابتدائی تعلیم بھی اسی اسکول سے حاصل کی تھی۔

فیس بک پوسٹ پر ردعمل کا اظہار کرتے ہوئے شاہنواز ڈاہانی نے لکھا کہ اپنے پرائمری اسکول کے اساتذہ اور طلبا سے ملنا ان کے لئے اعزاز کی بات تھی۔

It was an honor to visit & meet teachers & students, of my primary school. studied till class six here as my father couldn't afford fees further, so was admitted in Govt Pilot School Larkana till class 10. later did https://t.co/EVBdxYdqzj & B. Com from Commerce College Larkana https://t.co/ma0Gn8jmNo

— Shahnawaz Dahani (@ShahnawazDahani) January 31, 2023

قومی کرکٹر نے زندگی کی تلخ یادوں کو شیئر کرتے ہوئے لکھا کہ چھٹی جماعت تک یہاں تعلیم حاصل کی کیونکہ میرے والد مزید فیس برداشت نہیں کرسکتے تھے۔

یہ بھی پڑھیں: شاہنواز دھانی اور نسیم شاہ کی سندھی گانا گنگنانے کی ویڈیو وائرل

اس لیے دسویں جماعت تک گورنمنٹ پائلٹ اسکول لاڑکانہ میں داخلہ لیا، بعد ازاں کامرس کالج لاڑکانہ سے انٹر اور گریجویشن کی۔

واضح رہے کہ قومی ٹیم کے فاسٹ بولر شاہنواز دھانی ناصرف گراؤنڈ میں ایکٹو رہتے ہیں بلکہ سوشل میڈیا پر اپنی گائیکی کی ویڈیو بھی اکثر شیئر کرتے رہتے ہیں جنہیں ان کے مداح بھی پسند کرتے ہیں۔

from ARYNews.tv | Urdu – Har Lamha Bakhabar https://ift.tt/rj6lgz7
via IFTTT