عمران خان کو پیشی پر بلانا قطعی محفوظ نہیں، مسرت جمشید چیمہ

لاہور : ہاکستان تحریک انصاف کی رہنما مسرت جمشید چیمہ نے کہا ہے کہ چیئرمین پی ٹی آئی کو پیشی کیلئے جہاں بلایا جارہا ہے وہ قطعی محفوظ نہیں۔

رہنما پاکستان تحریک انصاف مسرت جمشید چیمہ نے اپنے ٹوئٹر پر ایک ایک ویڈیو شیئر کی ہے جس میں صحافیوں سے گفتگو کررہی ہیں۔

مسرت چیمہ نے کہا کہ جنہوں نے پہلے چیئرمین عمران خان پر حملہ کیا ہمیں آج بھی ان سے خطرہ ہے، خان صاحب کو پیشی کیلئے جہاں بلایا جارہا ہے وہ جگہ قطعی محفوظ نہیں۔

جنہوں نے پہلے چئیرمین پر قاتلانہ حملہ کیا خان صاحب کو اب بھی ان سے خطرہ لاحق ہے. خان صاحب کو پیشی کے لیے اسلام آباد میں جہاں(جوڈیشل کمپلیکس) بلایا جا رہا ہے وہ قطعی طور پر محفوظ نہیں اور وہاں بلائے جانے پر اصرار تشویش ناک ہے.
1/2 pic.twitter.com/eXsMwet44C

— Musarrat Cheema (@MusarratCheema) February 27, 2023

انہوں نے کہا کہ جوڈیشل کمپلیکس بلائے جانے پر اصرار کرنا تشویشناک ہے، اگر خدانخواستہ کوئی سازش ہوئی تو اس کے ذمہ داران کا تعین قوم کیلئے مشکل نہیں ہوگا۔

مسرت جمشید چیمہ کا مزید کہنا تھا کہ خان صاحب کو سکیورٹی دینا ریاست کی ذمہ داری ہے، کوئی سازش ہوئی تو ذمہ داری ان ہی پر ہوگی جو بار بار بلارہے ہیں۔

اپنے اگلے پیغام میں انہوں نے بتایا کہ انشاءاللہ صبح سات بجے کارکنان اپنے لیڈر کے ہمراہ زمان پارک سے براستہ موٹروے اسلام آباد کیلئے روانہ ہونگے۔

from ARYNews.tv | Urdu – Har Lamha Bakhabar https://ift.tt/3imq1lf
via IFTTT