تحریک انصاف کی خاتون رہنما کے خلاف مقدمہ درج

لاہور : ریاستی اداروں کیخلاف ہرزہ سرائی کرنے کے الزام میں پاکستان تحریک انصاف کی رہنما شندانہ گلزار کیخلاف مقدمہ درج کرلیا گیا ہے۔

اس حوالے سے ذرائع کا کہنا ہے کہ مذکورہ مقدمہ لاہور کے تھانہ ویمن پولیس اسٹیشن میں درج کیا گیا ہے، مقدمہ میں 153اے،124اے اور505 اے کی دفعات شامل ہیں۔

ایف آئی آر کے متن میں لکھا گیا ہے کہ ایک نجی ٹی وی کے پروگرام میں شندانہ گلزار نے اداروں کے خلاف ہرزہ سرائی کی گئی جس میں کہا گیا کہ پاکستان کی بدقسمتی ہے کہ جنرل اپنے آپ کو خدا سمجھنے لگتا ہے۔

ایف آئی آر کے مطابق شندانہ گلزار نے کہا تھا کہ فرعون سے بڑا ہوجاتا ہے تو کے پی کے کی شامت آجاتی ہے، آپ کے پاس کتنے بڑے شہر ہیں وہاں پر طالبان کو بھیجیں۔

پروگرام میں شندانہ گلزار کا کہنا تھا کہ عمران خان کی حکومت جاتے ہی طالبان بھی واپس آگئے اور دھماکے بھی۔ ایف آئی آر کے مطابق شندانہ گلزار نے ملک میں بدامنی اور انتشار پھیلانے کی کوشش کی۔

متن میں مزید کہا گیا ہے کہ انہوں نے ملک میں صوبائی ،علاقائی اور نسلی بنیادوں پر سازش کرنے کی کوشش کی، شندانہ گلزار ملک میں بدامنی پھیلانا اور عوام میں نفرت پیدا کرنا چاہتی ہے۔

from ARYNews.tv | Urdu – Har Lamha Bakhabar https://ift.tt/FqwW2RV
via IFTTT