شرجیل میمن کا شیخ رشید کے بیان پر شدید رد عمل

کراچی : وزیر اطلاعات سندھ شرجیل انعام میمن نے شیخ رشید کے بیان پر رد عمل میں کہا ہے کہ آصف زرداری پر الزامات لگا کر شیخ رشید سیاسی منظر نامے میں زندہ رہنا چاہتے ہیں۔

میڈیا سے گفتگو میں انہوں نے کہا کہ آصف زرداری بدلے کی سیاست اور انتقام میں یقین نہیں رکھتے، انہوں نے تو ان لوگوں کو بھی معاف کردیا ہے جنہوں نے انہیں بدترین سیاسی انتقام کا نشانہ بنایا۔

وزیر اطلاعات سندھ نے کہا کہ پیپلز پارٹی سب سے زیادہ انتہا پسندی کا نشانہ بنتی رہی ہے، آصف زرداری انتہا پسندوں کو عمران خان کیخلاف استعمال کرنے کا سوچ بھی نہیں سکتے۔

شرجیل انعام میمن نے کہا کہ شیخ رشید کے پاس اگر ٹھوس ثبوت ہیں تو وہ عدالت میں پیش کریں، ٹی وی پرآکر بڑھکیں مارنا شیخ رشید کا وتیرہ ہے۔

ان کا کہنا تھا کہ شیخ رشید ہر15دن کے بعد آریا پار کی نئی تاریخیں دیتے رہتے ہیں،وہ چار راتیں لاک اپ میں نہیں گزارسکے، معافی تلافی کرکے باہر آگئے۔

پی پی رہنما کا مزید کہنا تھا کہ عمران خان کا شکار کرکے شیخ رشید پونے4سال اہم وزارتوں کے مزے لوٹتارہا، اور اب پرتول رہا ہے، آئندہ انتخابات سے قبل نئے شکار کی تلاش میں ہے۔

from ARYNews.tv | Urdu – Har Lamha Bakhabar https://ift.tt/85YpxqH
via IFTTT