بھچڑے کو دیکھنے والے بے ساختہ مسکرا اٹھے، لیکن کیوں؟

سڈنی : آسٹریلیا میں پیدا ہونے والا گائے کا بچہ دنیا بھرکی توجہ کا مرکز بن گیا، بچے کے جسم پر بنے قدرتی ڈیزائن نے دیکھنے والوں کو خوشگوار حیرت میں مبتلا کردیا۔

غیرملکی میڈیا کے مطابق آسٹریلیا میں ہولسٹین فریزین نسل سے تعلق رکھنے والی گائے کے بچے کی جلد پر قدرتی طور پر مسکراتا چہرے کا نشان بنا ہوا ہے جسے خوشی کی علامت سے جوڑا جارہا ہے۔

آسٹریلیا میں ایک ایسا عجیب و غریب بچھڑا پیدا ہوا ہے جس کی کمر پر ہنسنے والی "سمائلی” بنی ہوئی ہے جس کے بعد اب اسے لوگ "ہیپی” کہہ رہے ہیں۔

ہیپی کے مالک کا کہنا ہے کہ یہ بچہ سب سے منفرد ہے کیونکہ اس کی جلد پر مسکراتا چہرا بنا ہونے کے ساتھ اس کے سر پر دل کی شکل بھی بنی ہوئی ہے۔

ہیپی کے سر کا رنگ کالا ہے جس پر سفید رنگ سے دل بنا ہوا ہے جب کہ دھڑ سفید ہے اور اس پر کالے رنگ سے مسکراتے چہرے کا نشان بنا ہے۔

 

from ARYNews.tv | Urdu – Har Lamha Bakhabar https://ift.tt/kmgSFbh
via IFTTT