کراچی : بیٹے نے بوڑھے باپ کو گولیوں سے بُھون ڈالا

کراچی : محمود آباد ریلوے ٹریک کے قریب بیٹے نے فائرنگ کرکے باپ قتل کردیا، واردات کے بعد ملزم فرار ہونے میں کامیاب ہوگیا۔

تفصیلات کے مطابق کراچی کے علاقے محمود آباد تھانے کی حدود میں بیٹے کے ہاتھوں باپ کے قتل کا دلخراش واقعہ سامنے آیا ہے، مقتول کی شناخت 60سالہ انور کے نام سے ہوئی ہے۔

اس حوالے سے پولیس حکام کا کہنا ہے کہ واقعہ گھریلو جھگڑے کی بنا پر پیش آیا، جائے وقوعہ سے تیس بور کے6خول ملے ہیں، مقتول کی لاش کو مزید کارروائی کیلئے جناح اسپتال منتقل کردیا گیا ہے۔

پولیس کے مطابق واقعے کے بعد ملزم جائے وقوعہ سے فرار ہونے میں کامیاب ہوگیا تاہم اس کی گرفتاری کیلئے مختلف مقامات پر چھاپے مارے جارہے ہیں۔

پولیس حکام نے ابتدائی تفتیش کے حوالے سے بتایا کہ مقتول انور کا اپنے بیٹوں سے گزشتہ ڈیڑھ سال سے جھگڑا چل رہا تھا، مقتول نے اپنی بیوی کو طلاق دے دی تھی جس کے بعد سے بیٹوں سے تکرار رہتی تھی۔

پولیس کے مطابق مقتول اورملزم ایک ہی محلے میں الگ الگ گھرمیں رہائش پذیر تھے، جھگڑے کے معاملے پرتھانے میں متعدد بار درخواستیں بھی موصول ہوئیں۔ واردات کا مقدمہ درج کرکے مزید تفتیش کی جارہی ہے۔

from ARYNews.tv | Urdu – Har Lamha Bakhabar https://ift.tt/LPA5YHh
via IFTTT