مصنوعی ذہانت کے غلط استعمال پر پہلی گرفتاری ہوگئی مگر کہاں؟

بیجنگ: مصنوعی ذہانت کے غلط استعمال پر دنیا میں پہلی گرفتاری عمل میں لائی گئی ہے۔

غیر ملکی میڈیا رپورٹ کے مطابق یہ گرفتاری چین کے صوبے گانسو میں عمل میں لائی گئی ہے، جہاں ایک شخص کو مبینہ طور پر ٹرین حادثے کی جعلی خبروں بنانے اور مصنوعی ذہانت کی ٹیکنالوجی کا استعمال کرتے ہوئے اسے آن لائن پھیلانے کے الزام میں حراست لیا۔

رپورٹ میں بتایا گیا کہ یہ چیٹ جی پی ٹی کے غلط استعمال کے الزام پر چین میں پہلی گرفتاری ہے۔

چینی اخبار ساؤتھ چائنا مارننگ پوسٹ کے مطابق سب سے پہلے کاؤنٹی پولیس بیورو کے سائبر ڈویژن نے ایک جعلی خبر کا مضمون دیکھا جس میں دعویٰ کیا گیا تھا کہ 25 اپریل کو مقامی ٹرین حادثے میں نو افراد ہلاک ہوئے تھے۔

مذکورہ مضمون کو بیک وقت بیس سے زیادہ اکاؤنٹس کے ذریعے سوشل میڈیاسائٹ پر پوسٹ کیا گیا سائبرسیکیوریٹی افسران نے کہا کہ جب تک یہ خبر حکام کے علم میں آئی اسے 15 ہزار سے زیادہ کلکس مل چکے تھے۔

فوری طور پر ہانگ نامی شخص کو گرفتار کرلیا گیا، جس پر جھوٹی خبریں پھیلانے کا الزام عائد کیا گیا ہے، چینی حکام کے مطابق عام طور پر زیادہ سے زیادہ پانچ سال کی سزا کا حامل ہے لیکن ایسے معاملات میں جو خاص طور پر سنگین سمجھے جاتے ہیں، مجرموں کو 10 سال تک قید اور اضافی سزائیں دی جا سکتی ہیں۔

from ARYNews.tv | Urdu – Har Lamha Bakhabar https://ift.tt/huiWkdK
via IFTTT