کراچی : دو کمسن بچے جوہڑ میں ڈوب کر جاں بحق

کراچی کے علاقے گلشن معمار سعدی گوٹھ میں 2بچے جوہڑ میں ڈوب کر جاں بحق ہوگئے، نعشین گھر پہنچنے پر کہرام مچ گیا۔

تفصیلات کے مطابق شہر قائد میں بارشوں کے بعد جمع پانی دو ننھی جانیں نگل گیا، اہل علاقہ کے مطابق گلشن معمار سعدی گوٹھ میں دو بچے کھیل کود میں مشغول تھے کہ اچانک غائب ہوگئے۔

اس حوالے سے پولیس کا کہنا ہے کہ 13اور12سال کے دونوں بچے افغان پناہ گزین تھے، جو نہانے کیلئے جوہڑ میں اترے تھے۔ پولیس کے مطابق دونوں بچے نہاتے ہوئے جوہڑ سے باہر نہیں نکل سکے اور ڈوب گئے۔

علاقہ مکینوں نے الزام عائد کیا ہے کہ مافیا کی جانب سے بجری چوری ہونے کی وجہ سے یہاں بڑے بڑے گڑھے پڑجاتے ہیں ان کھڈوں میں بارش کا پانی جمع ہونے سے اکثر حادثات ہوتے ہیں۔

from ARYNews.tv | Urdu – Har Lamha Bakhabar https://ift.tt/RtdDJSy
via IFTTT