حضرت حسینؓ اور ان کے ساتھیوں نے ملوکیت کو چیلنج کیا، سراج الحق

لاہور : امیر جماعت اسلامی سراج الحق نے کہا ہے کہ نواسہ رسول حضرت حسینؓ اور ان کے ساتھیوں نے ملوکیت کو چیلنج کیا تھا۔

یوم عاشورہ کی مناسبت سے اپنے بیان میں انہوں نے کہا کہ دنیا میں حسینیت اور یزیدیت آج بھی برسرِ پیکار ہے، حضرت حسینؓ ہمارے آئیڈل، ان کی قربانی، قربانیوں کی معراج ہے۔

انہوں نے کہا کہ حضرت حسینؓ اور اس کے ساتھیوں نے ملوکیت کو چیلنج کیا تھا، پاکستان اسلام کے نام پر قائم ہوا تھا لیکن آج بھی یہاں ملوکیت قائم ہے۔

سراج الحق نے کہا کہ کربلا کادرس یہ نہیں کہ ایک روزغم حسینؓ میں گزارکر364دن ظالم کا ساتھ دیں، کربلا کا سبق یہ نہیں کہ مردہ یزید پر لعن طعن، زندہ یزید کاجھنڈا اٹھا رکھا ہو۔

امیر جماعت اسلامی کا کہنا تھا کہ دنیا میں یزید کا ساتھی جنت میں حضرت حسینؓ کا ہمراہی نہیں ہوگا، واقعہ کربلاکا درس ہے کہ ظاہری کامیابی کی کوئی حیثیت نہیں، حق کا ساتھ دینا اور اس پر ڈٹے رہنا اصل کامیابی ہے۔

سراج الحق نے مزید کہا کہ پاکستانی قوم فرسودہ نظام کو جمہوری جدوجہد سے اسلامی نظام میں بدلنے کیلئے میدان عمل میں آئے۔

 

from ARYNews.tv | Urdu – Har Lamha Bakhabar https://ift.tt/Y7sCgyV
via IFTTT