دنیا کی سب سے بڑی ملی نغموں کی لائبریری

اپنے وطن سے محبت کو دنیا کا ہر شخص کرتا ہے لیکن شاید پاکستان ہی ایسا ملک ہے جہاں اپنی پاک سرزمین کی محبت میں شعرائے کرام نے سب سے زیادہ ملی نغمے لکھے اور بے حد مقبول بھی ہوئے۔

پاکستان میں ملی نغموں کی لازوال اور شاندار تاریخ رقم ہے اس حوالے سے اے آر وائی نیوز کے پروگرام باخبر سویرا میں محقق اور آرکائیوسٹ ابصار احمد نے ناظرین کو پاکستانی ملی نغموں کے حوالے سے اہم معلومات فراہم کیں۔

ابصار احمد کے پاس ساڑھے چار ہزار ملی نغموں کا ریکارڈ موجود ہے اس کے علاوہ ان کی تصنیف اور پاکستانی ملی نغموں کی تاریخ ہر تان پاکستان کے نام سے شائع ہوئی ہے جس میں 1911سے لے کر سال2023تک کے تمام ملی نغمے اس میں موجود ہیں۔

پروگرام میں گفتگو کرتے ہوئے انہوں نے بتایا کہ پاکستان پہلا ملک ہے جس نے اپنے ملی نغموں کا ریکارڈ مرتب کیا، انہوں نے بتایا کہ 8 سال کی عمر سے ملی نغموں کا ریکارڈ رکھنا شروع کیا، میرے پاس اب تک ساڑھے چار ہزار نغمے ہیں ہوسکتا ہے کہ چار پانچ سو اور بھی ہو ں جو میری نظر سے نہیں گزرے۔

ابصار احمد نے بتایا کہ سب سے پہلا ملی نغمہ علامہ اقبالؒ کی وہ نظم ہے جو 1911 میں لکھی گئی جس کا نام ترانہ ملی ہے، کہ چین و عرب ہمارا ہندوستاں ہمارا، مسلم ہیں ہم وطن ہے سارا جہاں ہمارا۔

from ARYNews.tv | Urdu – Har Lamha Bakhabar https://ift.tt/zaABvPE
via IFTTT