وزیراعظم نے قومی اسمبلی تحلیل کرنے کی سمری صدر کو بھجوا دی

وزیراعظم شہبازشریف نے قومی اسمبلی تحلیل کرنے کی سمری صدر مملکت کو بھجوا دی۔

نمائندہ اے آر وائی نیوز کے مطابق وزیراعظم شہبازشریف نے کچھ دیر قبل قومی اسمبلی تحلیل کرنے سے متعلق دستخط کر کے سمری صدر مملک عارف علوی کو بھجوائی ہے۔

صدر مملکت کی جانب سے سمری پر دستخط کیے جانے کے بعد قومی اسمبلی تحلیل ہو جائے گی۔ اسمبلی ٹوٹتے ہی وفاقی کابینہ ازخود تحلیل ہو جائے گی۔

وزیراعظم شہبازشریف نے کہا تھا کہ وہ آج شب تک قومی اسمبلی تحلیل کرنے کے لیے سمری صدر مملکت کو بھجوائیں گے۔

صدر دستخط نہ کریں تو بھی اسمبلی 48 گھنٹے میں تحلیل ہو جائےگی۔ آئین کے مطابق اسمبلی تحلیل ہونے کے بعد 90 دن میں الیکشن کرانا ہوں گے۔ شہباز شریف نگراں وزیراعظم کی تعیناتی تک عہدے پر رہیں گے۔

نگراں وزیراعظم کیلئے وزیراعظم اور اپوزیشن لیڈر کے درمیان 3 دن تک مشاورت ہوسکتی ہے۔ نگراں وزیراعظم کی نامزدگی کیلئے مجموعی طور پر 8دن کی مدت ہوتی ہے۔

وزیراعظم اور اپوزیشن لیڈر میں اتفاق نہیں ہوتا تو پارلیمانی کمیٹی تشکیل دی جائےگی۔ نگراں وزیراعظم کےنام پر پارلیمانی کمیٹی میں بھی اتفاق نہ ہونےپرمعاملہ الیکشن کمیشن جائے گا۔

from ARYNews.tv | Urdu – Har Lamha Bakhabar https://ift.tt/MUQVhqP
via IFTTT