’سکھ برادری خود کو خالصتانیوں سے الگ کرے‘

ممبئی: اکثر اپنے متنازع بیانات کی وجہ سے سرخیوں میں رہنے والی بالی وڈ کی معروف اداکارہ کنگنا رناوت نے سکھ برادری کو مشورہ دے دیا۔

کینیڈا میں خالصتان حامی سکھ رہنما ہردیپ سنگھ نجر کے قتل کے بعد سے کینیڈا اور بھارت میں تعلقات کشیدہ ہیں اور ایسے میں کنگنا رناوت کا اہم بیان بھی سامنے آگیا۔

اداکارہ نے انسٹاگرام اسٹوری پر لکھا کہ سکھ برادری کو چاہیے کہ وہ خود کو خالصتانیوں سے الگ کر دیں اور زیادہ سے زیادہ اکھنڈ بھارت کی حمایت میں سامنے آئیں۔

کنگنا رناوت نے لکھا کہ خالصتانی دہشتگردوں کے خلاف بات کرنے پر سکھوں نے پنجاب میں میرا بائیکاٹ اور میری فلموں کے خلاف احتجاج کیا جو ان کا اچھا فیصلہ نہیں تھا۔

’خالصتانی خود کو دہشتگرد کے طور پر دکھاتے ہیں اور اس سے پوری سکھ برادری کی ساکھ کو نقصان پہنچتا ہے۔ ماضی میں بھی خالصتانیوں نے سکھوں کو شدید نقصان پہنچایا۔‘

Sikh community must disassociate themselves from Khalistanis and more Sikhs must come out in the support of Akhand Bharat, the way I am boycotted by the Sikh community and how violently they protest against my films in Punjab because I spoke against Khalistani terrorists is not a…

— Kangana Ranaut (@KanganaTeam) September 22, 2023

from ARYNews.tv | Urdu – Har Lamha Bakhabar https://ift.tt/n1xJZh9
via IFTTT