وارنر کے سیدھے ہاتھ سے بیٹنگ کرنے پر پیٹ کمنز ہنس ہنس کر لوٹ پوٹ

آسٹریلین اوپنر ڈیوڈ وارنر کی سیدھے ہاتھ سے بیٹنگ کرنے پر پیٹ کمنز اور ڈریسنگ روم میں بیٹھے ساتھی کھلاڑی ہنس ہنس کر لوٹ پوٹ ہوگئے۔

بھارت اور آسٹریلیا کے درمیان اندور میں کھیلے جانے والے دوسرے ون ڈے میچ کینگرو بیٹر ڈیوڈ وارنر نے روی چندرن ایشون کے خلاف بیٹنگ کے دوران الگ ہی تجربہ کیا اور سیدھے ہاتھ سے بیٹنگ کرتے دکھائی دیے۔

Into the Warner-verse #TestedByTheBest #IndiaCricketKaNayaGhar pic.twitter.com/S15kOb7zVq

— JioCinema (@JioCinema) September 24, 2023

آف اسپنر کی ہر گیند مسلسل ٹرن ہورہی تھی اور وارنر اسے کھیل نہیں پارہے تھے، گیند زیادہ ٹرن ہونے کے باعث ان کے بیٹ سے دور جارہی تھی، بیٹر نے اس کا حل یہ نکالا کہ دائیں ہاتھ کا بیٹر بننے کا فیصلہ کیا جس پر پیٹ کمنز اور پویلین میں بیٹھے دیگر کھلاڑی بھی ہنسنے لگے۔

Two wickets in an over for @ashwinravi99

David Warner and Josh Inglis are given out LBW!

Live – https://t.co/OeTiga5wzy… #INDvAUS @IDFCFIRSTBank pic.twitter.com/z62CFHTgq1

— BCCI (@BCCI) September 24, 2023

بھارت کی جانب سے دیے جانے والے 400 رنز کے ہدف کے تعاقب میں ایک موقع پر آسٹریلیا کو 11 رنز فی اوور سے زیادہ کی ضرورت تھی اور رنز نہ بننے پر آسٹریلوی بیٹر دباؤ کا شکار تھے۔

ہدف کے تعاقب کے دوران 13ویں اوور میں، وارنر نے مضحکہ خیز انداز بنایا اور سیدھے ہاتھ کے بیٹر بن گئے۔ اس کے بعد انھوں نے ایشون کی پہلی گیند پر سوئپ شاٹ لگا کر چوکا بھی لگایا۔

تاہم آف اسپنر نے اپنے اگلے اوور میں آسٹریلوی اوپنر کو ایل بی ڈبلیو آؤٹ کردیا۔ دلچسپ بات یہ ہے کہ گیند کے پیڈ کو چھونے سے پہلے بلے کا اندرونی کنارہ لگا تھا لیکن وارنر ڈی آر ایس لیے بغیر ہی پویلین لوٹ گئے۔

#INDvAUS #INDvsAUS
David Warner vs Ashwin
12years ago 2023 pic.twitter.com/Gmaz7CulB6

— (@superking1816) September 24, 2023

واضح رہے کہ بھارت نے پہلی اننگز میں 5 وکٹوں کے نقصان پر 399 رنز کا بڑا مجموعہ تشکیل دیا تھا۔ تاہم دوسری اننگز میں بارش کی وجہ سے میچ کو 33 اوورز تک محدود کر دیا گیا۔

ڈی ایل ایس کے طریقہ کار کے مطابق آسٹریلیا کو 317 رنز کا نظرثانی شدہ ہدف دیا جس کے تعاقب میں آسٹریلوی ٹیم 217 رنز پر ڈھیر ہوگئی۔

from ARYNews.tv | Urdu – Har Lamha Bakhabar https://ift.tt/xLSBg8C
via IFTTT