ٹیچرز ڈے پر کلاس میں پیش آنے والے واقعے کی مزاحیہ ویڈیو

تعلیمی اداروں میں ٹیچر ڈے یا کسی استاد کی سالگرہ کے موقع پر طلبہ و طالبات ان سے اپنی بھرپور محبت اور عقیدت کا اظہار کرتے ہیں، ایسی ہی ایک تقریب میں ٹیچر شدید غصے میں آگئے اور ایک طالب علم کی پٹائی کر ڈالی۔

بھارت کی ریاست بہار کے ایک اسکول میں ٹیچر ڈے کی تقریب کی ویڈیو سوشل میڈیا پر وائرل ہوگئی، جسے دیکھ کر صارفین بھی ہنسی سے لوٹ پوٹ ہوگئے۔

ہوا کچھ یوں کہ تقریب کی گہما گہمی جاری تھی اور سب بچے خوب جشن منا رہے تھے کہ ایک طالب علم نے جوش میں آکر اپنے ٹیچر پر اسنو اسپرے کردیا، پہلے تو ٹیچر نے کچھ نہ کہا لیکن جیسے ہی اس نے دوبارہ اسپرے کیا تو ان کو شدید غصہ آگیا ۔

Happy Teacher's day kinda kalesh #TeachersDay
pic.twitter.com/YOj4jaSERu

— Ghar Ke Kalesh (@gharkekalesh) September 5, 2023

جس کے بعد ٹیچر نے اپنے روایتی انداز میں اس طالب علم کو پکڑا اور ٹھیک ٹھاک دھنائی کر ڈالی، یہ منظر دیکھ کر کلاس میں موجود طلبہ بھی اپنی ہنسی نہ روک پائے۔

سوشل میڈیا پر وائرل ہونے والی اس ویڈیو کو ایکس (ٹوئٹر) سے شیئر کیا گیا ہے، جس کو 4 لاکھ سے زیادہ ویوز مل چکے ہیں اور صارفین بھی اس پر اپنے دلچسپ تبصرے کررہے ہیں۔

from ARYNews.tv | Urdu – Har Lamha Bakhabar https://ift.tt/iQF5YeP
via IFTTT