کراچی : سرنگ کے ذریعے اربوں روپے کی پانی چوری کا انکشاف

کراچی : شہر قائد میں گزشتہ چند سال کے دوران بڑے پیمانے پر 15ارب روپے کا پانی چوری کیے جانے کا انکشاف ہوا ہے۔

پانی چوری کرنے کیلئے 20فٹ گہرائی میں 200 فٹ لمبی سرنگ بنائی گئی تھی۔ رینجرزاور واٹربورڈ کی بھینس کالونی کے قریب مشترکہ کارروائی کی، واٹر اینڈ سیوریج کارپوریشن حکام کے مطابق ہالیجی جھیل کی54انچ کی لائن سے پانی چوری کیا جارہا تھا۔

ایم ڈی واٹر بورڈ نے بتایا کہ لانڈھی لیبر اسکوائر کے نزدیک سرنگ بنا کر6پائپ لائنوں کے ذریعے چوری کی جارہی تھی، پانی کی چوری آر او پلانٹ کی آڑ میں جاری تھی، آر او پلانٹ کے مالک کا نام کاشف تسنیم ہے۔

حکام کے مطابق اس کام کیلئے لاکھوں گیلن پانی کی ٹنکیاں بنائی گئی تھیں، یہاں سے یومیہ بنیادوں پر دو ملین گیلن سے زائد پانی چوری کیا جارہا تھا۔

ایم ڈی واٹر اینڈ سیوریج کارپوریشن نے کہا ہے کہ سیٹلائٹ امیجز کی مدد سےاپنے افسران کیخلاف بھی تحقیقات کریں گے، واٹربورڈ کے عملے نے8مقامات پر کھدائی کرکے سرنگیں برآمد کی ہیں، پانی چوروں نے ٹینک کے اوپر مختلف دفاتر بھی بنادیے تھے۔

from ARYNews.tv | Urdu – Har Lamha Bakhabar https://ift.tt/KUGpk3q
via IFTTT