سعودی عرب کی جانب سے پاکستانی طلبہ کیلئے بڑی خوشخبری

اسلام آباد : سعودی حکومت نے پاکستانی طلباء کو خوشخبری سنادی، مملکت نے ایک بار پھر اپنی 25 یونیورسٹیوں میں اعلیٰ تعلیم کے حصول کے لیے پاکستانی طلبا و طالبات کو 700 اسکالر شپس دینے کا اعلان کردیا۔

تفصیلات کے مطابق سعودی حکومت نے پاکستانی طلباء کے لئے اسکالر شپس کی تعداد بڑھا کر 700 کردی ہے، پاکستانی طلباء ان وظائف کیلئے “اسٹڈی ان سعودی” الیکٹرانک پورٹل کے ذریعے اپلائی کرسکتے ہیں۔

جاری پریس ریلیز کے مطابق سعودی عرب نے پاکستانی طلباء کو 600 وظائف کی پیشکش کی تھی جنہیں بڑھا کر اب700 کردیا گیا ہے، پاکستانی طلباء ان اسکالر شپ کے لئے اپلائی کرسکتے ہیں۔

یہ پورٹل بین الاقوامی طلباء کو سعودی عرب میں تعلیم کے لئے سیلف فنانس، جزوی اسکالرشپ اور مکمل اسکالرشپ کے لیے ایک ون ونڈو جامع گیٹ وے فراہم کرتا ہے۔

پاکستانی طلباء اپنی مطلوبہ ڈگری کے لیے درخواست دے سکتے ہیں جس میں میڈیکل سائنس کے علاوہ تقریباً تمام مضامین شامل ہیں۔ اسکالرشپ کی تفصیلات سعودی مشن کی ویب سائیٹ
(https://ift.tt/9FlVUOg)پر دستیاب ہیں ۔

from ARYNews.tv | Urdu – Har Lamha Bakhabar https://ift.tt/UATQjx2
via IFTTT