پی آئی سی حملہ کیس ، وزیراعظم کے بھانجے کی عبوری ضمانت میں 20جنوری تک توسیع

لاہور : انسداددہشت گردی عدالت نے پی آئی سی حملہ کیس میں  وزیراعظم کے بھانجے حسان نیازی کی عبوری ضمانت میں 20جنوری تک توسیع کردی، عدالت نے حسان نیازی کی عبوری ضمانت آج تک منظورکر رکھی تھی۔

تفصیلات کے مطابق لاہور کی انسداددہشت گردی عدالت میں پی آئی سی حملہ کیس کی سماعت ہوئی،  جج ارشد حسین بھٹہ نے کیس کی سماعت کی ، عدالت میں فوٹو گرامیٹک رپورٹ پیش نہ کی جا سکی۔

عدالت نے وزیراعظم کے بھانجے  حسان نیازی سمیت 10وکلا کی عبوری ضمانت میں 20جنوری تک توسیع کردی، عدالت نے حسان نیازی سمیت 10وکلا کی عبوری ضمانت آج تک منظورکررکھی تھی۔

گذشتہ سماعت میں فاضل جج نے فوٹوگرافک ٹیسٹ کے لئے ملزمان کو پولیس کے پاس پیش ہونے کا حکم دیاتھا ، جس پر تفتیشی افسر نے بتایا تھا کہ فوٹوگرافک ٹیسٹ کی تصدیق فرانزک لیبارٹری سےکرانی ہے، ٹیسٹ کے لیے تصاویراور ویڈیوز بھجوا دی ہیں۔

یاد رہے 2 جنوری کو سماعت میں حسان نیازی تاخیر سے پہنچے تھے ، جس پر عدالت نے ان کی عبوری ضمانت خارج کر دی تھی ، جس پر حسان نیازی نے غیر مشروط معافی مانگتے ہوئے عبوری ضمانت کیلئے نئی درخواست دائر کردی تھی۔

درخواست میں مؤقف اختیار کیا گیا تھا تاخیر سے عدالت پہنچنے پر عبوری ضمانت خارج کی گئی، عدالت کےدروازےپرچیکنگ کے باعث تاخیر ہوئی، پی آئی سی حملہ کیس سے کوئی تعلق نہیں ہے، کسی بھی شخص کو اشتعال دلایا اور نہ ہی حملہ کیا۔
<blockquote>
<h3 style=”text-align: center;”><span style=”color: #800000;”><strong>مزید پڑھیں : <a style=”color: #800000;” href=”https://urdu.arynews.tv/atc-extends-till-jan-06-interim-bail-of-pm-imrans-nephew/”>پی آئی سی حملہ کیس ،وزیراعظم کے بھانجے کی عبوری ضمانت منظور</a></strong></span></h3>
</blockquote>
درخواست گزار نے استدعا کی عدالت عبوری ضمانت منظور کرکےگرفتاری سے روکنے کاحکم دے۔

عدالت نے درخواست کی سماعت کے بعد حسان نیازی کی چھ جنوری تک عبوری ضمانت منظور کرتے ہوئے ایک لاکھ کے مچلکے جمع کروانے کا حکم دیا تھا۔

واضح رہے ایک ویڈیو کے تنازع پر وکلا آپےسےباہرہوگئے تھے ،وکلاء کی بڑی تعداد نے پنجاب انسی ٹیوٹ آف کارڈیالوجی پر دھاوا بول کر شدید توڑ پھوڑ کی تھی اور اسپتال کو بے پناہ نقصان پہنچایا تھا، پولیس نے سی سی ٹی وی فوٹیج اور دیگر فوٹیجز کی مدد سے حسان خان نیازی کی شناخت کی تھی۔

The post پی آئی سی حملہ کیس ، وزیراعظم کے بھانجے کی عبوری ضمانت میں 20جنوری تک توسیع appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2soGIMY
via IFTTT