پاکستان میں کرونا وائرس کے مریضوں میں اضافہ، مزید کیسز سامنے آگئے

کراچی : پاکستان میں کرونا وائرس کا پانچواں کیس بھی سامنے آگیا، خطرناک وائرس سے متاثرہ شخص کا تعلق وفاق کے زیر انتظام علاقے سے ہے۔

تفصیلات کے مطابق معاون خصوصی برائے صحت ڈاکٹر ظفر مرزا نے سماجی رابطے کی ویب سائٹ پر پاکستان میں کرونا وائرس کے ایک اور کیس کی تصدیق کرتے ہوئے بتایا ہے کہ ملک میں کرونا وائرس کے متاثرین کی تعداد پانچ ہوگئی ہے۔

ڈاکٹر ظفر کا کہنا ہے کہ متاثرہ شخص کا تعلق وفاق کے زیر انتظام علاقے سے ہے، جس کا علاج معالجہ جاری ہے تاہم مریض کی حالت خطرے سے باہر ہے۔

234/ We have now 5th confirmed case of #COVID19 in federal areas. Patient is stable and is being managed well. I request the media to respect the privacy of the patient and the family.

— Zafar Mirza (@zfrmrza) March 3, 2020

خیال رہے کہ کروناوائرس کی پاکستان منتقلی اور روک تھام کےلیے باچاخان ایئرپورٹ پر حفاظتی اقدامات کیے جارہے ہیں، ایئرپورٹ پر سول ایوی ایشن اتھارٹی کی جانب سے نئی اسکریننگ کے انتظامات کیے گئے جبکہ پاک ایران سرحد آج بھی بند ہے۔

پاکستان میں کرونا وائرس کے مریضوں میں اضافہ، مزید کیسز سامنے آگئے

معاون خصوصی برائے صحت نے 29 فروری کو کہا تھا کہ پاکستان اور ایران کے درمیان ایئر ٹریفک معطل ہے، زائرین کی واپسی کے لیے اقدامات کررہے ہیں، ایران سے فلائٹ آپریشن مناسب وقت پر شروع کیا جائے گا، کرونا کی روک تھام کے لیے ایکشن پلان پر کافی دنوں سے کام ہورہا ہے، میڈیا کوشش کرے مریض کی معلومات زیادہ نہ دے۔

from ARYNews.tv | Urdu – Har Lamha Bakhabar https://ift.tt/2wWMxDd
via IFTTT