پاکستان میں کورونا کی دوسری لہر شدت اختیار کرنے لگی، ایک دن میں 1167 کیسز رپورٹ

اسلام آباد : کورونا کی دوسری لہر شدت اختیار کرنے لگی، گزشتہ چوبیس گھنٹوں کےدورایک ہزار167 نئے کیس رپورٹ ہوئے جبکہ مزید 14 مریض انتقال کرگئے۔

تفصیلات کے مطابق پاکستان میں کورونا کے نئے کیسز کی تعدادمیں تیزی سےاضافہ ہونےلگا، نیشنل کمانڈاینڈآپریشن سینٹر نے پاکستان میں کورونا کی صورتحال کے تازہ ترین اعداد و شمار جاری کردیئے۔

جس میں بتایا گیا کہ ملک میں 24 گھنٹے میں کورونا کے مزید 14 مریض جاں بحق ہوگئے ، جس کے بعد کورونا سے انتقال کرنے والوں کی تعداد 6ہزار849 ہوگئی۔

این سی اوسی کا کہنا ہے کہ ملک میں 24 گھنٹے کے دوران 27ہزار984 ٹیسٹ کیے گئے ، جس میں ایک ہزار167افراد میں کورونا کی تصدیق ہوئی، جس کے بعد ملک میں کورونا کے فعال کیسز کی تعداد13ہزار965 تک جا پہنچی جبکہ مجموعی کیسز کی تعداد 3لاکھ 36ہزار260 ہوگئی۔

نیشنل کمانڈاینڈآپریشن سینٹر نے کہا ہے کہ گزشتہ 24گھنٹے میں کورونا کے 430 مریض صحت یاب ہوئے، جس کے بعد ملک میںصحت یاب افرادکی تعداد3لاکھ15ہزار446 ہوگئی ہے۔

اعداد و شمار کے مطابق سندھ میں کورونا کے مریضوں کی تعداد ایک لاکھ 46 ہزار774، ، پنجاب میں ایک لاکھ 4 ہزار894، خیبر پختونخوا میں 39 ہزار749 ہوگئی جبکہ بلوچستان میں 15 ہزار977 ، گلگت بلتستان میں 4 ہزار 293 اور آزاد کشمیر میں 4ہزار330 کیسز رپورٹ ہوئے ہیں۔

خیال رہے نیشنل کمانڈ اینڈ آپریشن سینٹر نے کورونا کے بڑھتے کیسز پر تشویش کا اظہار کرتے ہوئے تمام صوبوں کو اسپتالوں میں طبی سہولتیں بڑھانے کی ہدایت کی تھیں اور کورونا بڑھنے کی صورت میں مزید سخت اقدمات کا عندیہ دیا تھا۔

این سی او سی نے شادی ہال، مارکیٹس اور مال رات دس بجے بند کرنے کی ہدایت کرتے ہوئے شہریوں سے اپیل کی کہ وہ ایس او پیز پر عمل کریں بصورت دیگر صورت حال خطرناک ہوسکتی ہے۔

The post پاکستان میں کورونا کی دوسری لہر شدت اختیار کرنے لگی، ایک دن میں 1167 کیسز رپورٹ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/34RDKBd
via IFTTT