جب تک ووٹوں کی گنتی ختم نہیں ہوتی فتح کااعلان نہیں کروں گا، جوبائیڈن

واشنگٹن : ڈیموکریٹ صدارتی امیدوار جوبائیڈن کا کہنا ہے کہ جب تک ووٹوں کی گنتی ختم نہیں ہوتی فتح کا اعلان نہیں کروں گا، صدر کون ہوگا صرف امریکی عوام ہی فیصلہ کریں گے۔

تفصیلات کے مطابق پاورمیں پاور کی جنگ آخری مرحلے میں داخل ہوگئی اور ووٹوں کی گنتی جاری ہے ، ڈیموکریٹ صدارتی امیدوار جوبائیڈن نے خطاب کرتے ہوئے کہا کہ صدارتی الیکشن میں ٹرن آؤٹ غیرمعمولی تھا، جب تک ووٹوں کی گنتی ختم نہیں ہوتی فتح کا اعلان نہیں کروں گا۔

ڈیموکریٹ صدارتی امیدوار کا کہنا تھا کہ ہم پہلےبھی مشکل وقت کامقابلہ کرچکےہیں، تمام اشارےہماری جیت کی راہ پرہیں، صدرکون ہوگا صرف امریکی عوام ہی فیصلہ کریں گے۔

جوبائیڈن نے کہا کہ میں امیدوارضرورڈیموکریٹ کاہوں مگرصدرامریکیوں کابنوں گا، پولرائزیشن بہت ہے،ہمیں ایک دوسرےکودشمن نہیں سمجھناچاہئے، 150ملین لوگوں نےحق رائے دہی کا استعمال کیا، واضح ہے کہ ہم جیت کی راہ پر ہیں۔

خیال رہے امریکی صدارتی انتخابات میں اکتالیس ریاست کے متوقع نتائج جاری کئے جاچکے ہیں، سوئنگ ریاست مشی گن سے سولہ الیکٹورل ووٹ ملنے کے بعد جوبائیڈن کے264 الیکٹورل ووٹ ہوگئے ، انہیں صدارت حاصل کرنے کیلئےمزیدچھ الیکٹورل ووٹ درکار ہیں جبکہ ڈونلڈٹرمپ نے 214الیکٹورل ووٹ ملے۔

جوبائیڈن نے امریکی تاریخ میں سب سےزیادہ ووٹ لینےکااعزازحاصل کرلیا ہے ، اب تک کی گنتی میں جوبائیڈن نے سات کروڑ ووٹ لیکربراک اوباماکا ریکارڈ توڑ دیا۔

زیادہ پاپولرووٹ لینے کے باوجود جیت کے لیے دوسوسترالیکٹورل ووٹ لینالازمی ہوں گے جبکہ امریکی سینیٹ کے انتخابات میں ڈونلڈ ٹرمپ کی ری پبلیکن پارٹی کو 48 اور جو بائیڈن کی ڈیموکریٹ کو 46 نشتیں مل چکی ہیں۔

The post جب تک ووٹوں کی گنتی ختم نہیں ہوتی فتح کااعلان نہیں کروں گا، جوبائیڈن appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/38gjoUa
via IFTTT