سفاکیت کی انتہا، بچے کے سامنے ماں قتل، شوہر فرار

نئی دہلی : گھریلو جھگڑوں کے باعث باپ نے 4 سالہ بیٹے کے سامنے بیوی کو موت کے گھاٹ اتار دیا،پولیس نے شوہر کی تلاش شروع کردی۔

غیر ملکی خبر رساں ادارے کی رپورٹ کے مطابق سفاکیت و بربریت کا یہ واقعہ بھارتی دارالحکومت نئی دہلی کے برابری علاقے میں پیش آیا، جہاں شوہر نے بچے کے سامنے 28 سالہ بیوی کو قتل کردیا۔

راجکمار کی شاہ چند ماہ قبل ہی 28 سالہ انشیکا سے ہوئی تھی لیکن کچھ وقت بعد ہی لاک ڈاوٗن آگیا، جس کے باعث پورے نہ ہونے والے گھریلو اخراجات کا سلسلہ مزید ماند پڑگیا اور میاں بیوی کے درمیان آئے روز جھگڑا ہونے لگا۔

اس دوران راجکمار نے شراب نوشی بھی شروع کی، ان سب کے بعد انشیکا نے اپنے والدہ کے گھر رہائش اختیار کرکے ایک دکان چلانا شروع کردی۔

قتل سے دس روز قبل راجکمار نے سنت نگر میں اپنی ساس کے گھر رہنا شروع کیا اور پھر ایک دن بیوی سے پیسے مانگنے پر دونوں میں پھر جھگڑا ہوگیا اور راجکمار چار سالہ بیٹے کے سامنے اپنی بیوی کو قتل کرکے وہاں سے فرار ہوگیا۔

مقتولہ کی لاش اگلی صبح اس کی بہن مدھو نے دیکھی تو پولیس کو اطلاع دی اور رجکمار کے جائے وقوعہ سے فرار ہونے اور اس کے رویے سے متعلق بتایا، جس کے بعد پولیس نے قاتل کی تلاش شروع کردی۔

The post سفاکیت کی انتہا، بچے کے سامنے ماں قتل، شوہر فرار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3uyXcxh
via IFTTT